كەسایەتیێ ئێزدی"تیلیمان فیرویان"ژ رووسیا سەرەدانا پەرستگەها پیرۆزا لالش دكت
تۆرا لالش یا راگەهاندنێ
كەسایەتیێ ئێزدی"تیلیمان فیرویان"یێ ناڤدار ل رووسیا دگەل خێزانا خۆ سەرەدانا پەرستگەها پیرۆزا لالش كر،ژئالیێ بەرێز"شێخ شامۆ"نوونەرێ ئێزدیان ل پەرلەمانێ كوردستانێ و "نەمر کەچۆ"و"خێری خدر"دادوەر ل دادگەها تێهەلچوونا دهۆك و زەلامێ ئۆلی"بابا چاویش" و فەقیر"برجس سادن"ڤە،هاتە پێشوازیكرن.
پشتی بخێرهاتنا شاندی،پاش گەریانەك دناڤ هندورێ پەرستگەهێ دا كر بۆ رێڤەبرنا رێ ورەسمێت ئایینی یێن پیرۆز.
ل دۆر ڤێ سەرەدانێ كەسایەتیێ ئێزدی"تیلیمان فیرویان" بۆ(تۆرا لالش یا راگەهاندنێ)گۆت:"ئەم گەلەك كەیف خۆشین ب ڤێ سەرەدانێ و هەستەكێ پیرۆزە ل جهەكێ پیرۆز و پێشوازییا ل مە هاتیە كرن ژبال ئامادەبوویان ڤە،سەرەدانا پەرستگەها باب و پاپیران دكەین بۆ رێڤەبرنا رێ ورەسمێن ئایینی و خۆ مۆردكەین ب ئاڤا پیرۆز،هیڤیا خێر و ئاشتیێ بۆ ئێزدیان دخوازین و ل دەڤەرو باژارێن خۆ ب ئارامی بژین".
تعليقات