رۆژا رزگاركرنا باژێرێ شێخان و كۆمەلگەها مەهەتێ ب بلندكرنا ئالایێ كوردستانێ هاتە ساخكرن
تۆرا لالش یا راگەهاندنێ
ب هەلكەفتا رۆژا ئازادیا عێراقێ و رزگاركرنا باژارێ شێخان و كۆمەلگەها مەهەتێ،نڤیسینگەها لالش مەهەتێ ب هەماهەنگی دگەل نڤیسینگەها پاراستنا ئالایێ كوردستانێ ل شێخان،ئیرۆ رۆژا پێنچ شەمبوویێ 6نیسانا 2017ێ،ب بلندكرنا ئالایێ پیرۆزێ كوردستانێ ل چارریانا كۆمەلگەهێ رابوون.
لبن چاڤدێربا رێزدار"مەحمود مەحمود ئێزدی"ئەندامێ سەركرداتیا پارتی و بەرپرسیارێ تایێ ٢٠ شێخان، ب ئامادەبوونا رێزدار "سەردار شێخ یحیی"قایممقامێ قەزا شێخان وژماوەكا زۆر ژ خەلكێ دەڤەرێ و بەرپرسێن دام ودەزگەهێن میری و حزبی ولەشكەری ئەڤ رێ و رەسم هاتن ب رێڤەبرن، ل دەستپێكێ بخێر هاتنا مێڤانا هاتە كرن ژلایێ "مەهدی حەسەن" بەرپرسێ نڤیسینگەها لالش مەهەتێ و وەك رێزگرتن خۆلەكەكێ سەكنین بۆ گیانێ پاكێ جانگۆریێن كورد و كوردستانێ و سەروەرێ وان بارزانیێ نەمر وكاك ئەدریسێ جوانە مەرگ.
ل دووڤ دا پەیڤەك هاتە خووندن ژلایێ "مەهدی حەسەن" و تێدا بەحسێ رزگاركرنا قەزا شێخان و كۆمەلگەها مەهەتێ و یادا ١٤ سالیا رزگاركرنا ڤێ دەڤەرێ كر و ل خەلكێ خۆراگرێ مەهەتێ و شێخان پیرۆزكر و گۆت: ئەڤ جهێ ئەم لێ خرڤەبووین جهێ سێدارەدانا كورێ تاكانە بوو بناڤێ "حەجی یزدین بیت ناری" كو ل سالا ١٩٨٨ ل سەر دەستێ رژێما گۆرب گۆر هاتیە سێدارەدان ل بەر چاڤێن هەموو خەلكێ كۆمەلگەها مەهەتێ،هەروەسا هەلویستێ خەلكێ كۆمەلگەهێ دەربری بۆ پشتەڤانیا بلندكرنا ئالایێ كوردستانێ ل كەركووكێ و دژی بریارا پەرلەمانێ عێراقێ راوستان دەربارەی رەتكرنا ئالایێ كوردستانێ ل كەركووك ریسوا و شەرمەزاركرن،هەروەسا"مەحمود ئێزدی"پەیڤەك پێشكێشكر و تێدا بەحسێ پیرۆزیا ئالایێ كوردستانێ و خەبات و خزمەتا گەلێ كورد وكوردستانێ كر.
ژئالیەكێ دیڤە"سەردار شێخ یحیی" دپەیڤا خۆدا بەحسێ بەرخودان و رێكخستن و پێشمەرگەیێن ئەیلول و گولانێ سێدارەدانا حجی شیخ یزدین كر وتەعریب و كوشتن و ترسا مللەتێ مە وسەرهلدانا بەهارا سالا 1991 و ئازادیا عێراقێ و ئەحمەد بامەرنی ئەڤ قوربانی و بەرخودانا مە ئیرۆ هێلا ئەم ل جهێ سێدارەدانا شێخ حەجی ئالایێ كوردستانێ بلند ب كەین وئێدی كور و كچێن مە ل سەر دەستێ زرتەكێن بەحسیا وداعش و شوفینێن ئەرەبا نەئێن كوشتن ورێزگرتن بۆ سێدارەدانا حەجی شێخ یەزیدین بریاردا ڤی جهی بكەنە باشترین باخچە و گرنگیەكا تایبەت ب ڤی جهی بێتە دان وناڤێ باخچەی بكن باخچێ جانگۆری حەجی.
ل داویێ ئالایێ كوردستانێ دگەل سرودا ئەی رەقیب هاتە بلند كرن ژلایێ بەرپرسێ لقێ و قایممقامێ شێخان و ریهسپی و كەسایەتیێن ئۆلی ل دەڤەرێ.
تعليقات