بنگەهێ لالش هاریكاریێن دارایی ب سەر 70قوتابیێن ئێزدی دا بەلاڤكرن
تۆرا لالش یا راگەهاندنێ
ل رێككەفتی 6نیسانا 2017ێ،بەرێز"شێخ شامۆ"سەرۆكێ دەستەیا بلندا بنگەهێ لالش ل دهۆكێ، هاریكاریێن دارایی ب سەر 70قوتابیێن ئێزدی یێن كێم دەرامەت ل زانكۆیێن دهۆك و زاخۆ دا بەلاڤكرن.
ل دەستپێكێ بەرێز"شێخ شامۆ" بخێرهاتنا قوتابیان كر و دووپاتكر كو بنگەهێ لالش پشتەڤانە و دێ پشتەڤانیا تەخا قوتابیان كت ب شێوەیەكێ بەردەوام ل دووڤ شیانان و دەسەلاتا بەردەست،چنكو قوتابی بشكۆژێن پاشەرۆژێ نە و نڤشێ داهاتی دێ بەرپرسیارەتیا وان بت و گرنتیا پاشەرۆژا ئێزدیان دێ كەفتە دەستێ قوتابیان و ژبۆ ئاڤاكرنا پاشەرۆژەكا گەش بۆ جڤاكێ مە ل سەر مە گرنگیێ ب هێزا گەنجان بدەین و پشتەڤان بین.
هەروەسا شێخی ئاماژەكر كو قوتابیێن ئێزدی ئیرۆ نمونەنە بۆ رەوش و زانین و سەركەفتنێ ل زانكۆ و پەیمانگەها وئەڤە جهێ شانازی و سەرفەرازیێ یە.
ژ لایەكێ دیڤە سەرۆكێ دەستەیا بلندا بنگەهێ لالش گۆت:"بنگەه دێ هەول دەت بەردەوام بت ل سەر بەلاڤكرنا ڤێ هاریكاریێ،و ئەڤ هاریكاریە ژ بەخشینەیا بنگەهی یە دگەل تایی و نڤیسینگەهان.
بۆ زانین پشتی"شێخ شامۆ"ئەڤ دەستپێشخەریە پێشنیاركری دكۆمبوونا بەرفرەه یا بنگەهی دگەل هەموو تایی و نڤیسینگەهان،پشتەڤانیا خۆ دیاركرن و ئیرۆ هاریكاریا دارایی ل سەر وان هاتە بەلاڤكرن.
ژ ئالیێ خۆڤە قوتابیان سوپاسیێن خۆ ئاراستەی سەرۆكێ دەستەیا بلندا بنگەهێ لالش كرن بۆ ڤێ هاریكاریا پێشكێشی وان كری.
وەك رێزگرتن بۆ هەستێن قوتابیێن ئەڤ هاریكاری وەرگرتین چوو وێنە بۆ نەهاتن گرتن.
تعليقات