بارودۆخێ ئێزدیان ل سووریا و عێراقێ دێ ل ئەلمانیا ئێتە گەنگەشەكرن
ئێزدیخان نیوز:
ل رۆژا ئێك شەمبوویێ 9نیسانا 2017ێ،دەزگەهێ برایەتی یێ مافێ مرۆڤی ل ئەلمانیا دێ سمینارەكێ ل ژێر ناڤ و نیشانێن(ئێزدی...هەلبژارتنا مانا دیرۆكی دگەشەبوونا تیرۆر و توندرەویێ دا)،ل باژێرێ كۆلن گێرت.
عەلی عیسو،رێكخەرێ بەشێ مافێ كێمینەیان دەزگەهێ برایەتی یێ مافێ مرۆڤی ل ئەلمانیا د داخویانیەكێ دا بۆ مالپەرێ(ئێزدیخان نیوز)راگەهاند:"ئەڤ سمینار یا ڤەكری یە سەبارەت بارودۆخێ ئێزدیان و بەردەوامیدانا مانا وان ل وەلاتێ وان یێ دیرۆكی ژ هەر ئێك ژ سووریا و عێراقێ دگەل گەشەبوونا تیرۆر و توندرەویێ،كو باندۆرا خۆ ل سەر بارودۆخێ ئێزدیان هەیە ژ كارەساتان".
عیسو ئاشكەراكرژی دڤێ سمینارێ دا،دێ هەر ئێك ژ "كاوا عیدو"نوونەرێ كۆمسیۆنا نێڤ دەولەتی یا مافێ مرۆڤی ل هەرێما كوردستانێ ل دۆر (كۆمكوژیا بكۆم و كاریگەرییا وێ ل سەر ئێزدیان) و "میدیا دهیر"رێڤەبەرا گشتی یا دەزگەهێ برایەتی یێ مافێ مرۆڤی ل دۆر(رۆلێ رێكخراوێن مافپەروەر و سڤیل بۆ بەرەڤانیكرنێ ژ مافێ ئێزدیان و كێمینەیان) و "مزگین یوسف"سەرۆكا جڤاتا ئێزدیێن سووریا دەربارەی(بارودۆخێ ئێزدیان دهەڤركیێن سیاسی دا ل سووریا) و "عەلی عیسو" رێكخەرێ بەشێ مافێ كێمینەیان دەزگەهێ برایەتی یێ مافێ مرۆڤی سەبارەت(مەخدووریا ئێزدیان و رێكارێن هشیاربوونێ ب ئێزدیان)دێ ل سەر ئاخڤن.
رێكخەرێ بەشێ مافێ كێمینەیان دەزگەهێ برایەتی یێ مافێ مرۆڤی دا زانین ژی دسمینارێ دا دێ حالێ ئێزدیێن عەفرین ب وێنەیان ئێتە نیشاندان.
تعليقات