چالاكڤانەكا ئێزدی:جیهان هەموو ل بەرامبەری سزادانا داعشێ بێ دەنگ مایە
ئێزدیخان نیوز:
چالاكڤانەكا ئێزدی رادگەهینت،هەتا نۆكە 3500كچ و ژن و زارۆكێن ئێزدی د دەستێ تیرۆرستێن داعشێ دان،جیهان هەموو ل بەرامبەری سزادانا داعشێ بێ دەنگ مایە.
گولستان شنگالی،چالاكڤانا ئێزدی دبوارێ مافێ مرۆڤی دا بۆ مالپەرێ(ئێزدیخان نیوز)راگەهاند:"ئەڤە پتر ژ دوو سالان ب سەر كارەساتا شنگالێ دەرباز بوون و هەتا نۆكە نۆكە چ رێكخراوێن مافێ مرۆڤان و ژلایێ چ حكوومەتان ڤە دەستووری نەهاتیە دان ئەم جانگۆریێن خۆ بن ئاخ بكەین،هەروەسا هەتا نۆكە 3500كچ و ژن و زارۆكێن مە د دەستێ تیرۆرستێن داعشێ دان ئەو تێنە كوشتن و دەستدرێژی لێ دئێتە كرن و زارۆكێن مە دئێنە مەشقدان ل سەر كارێن تیرۆرستی و بۆ كارێ خۆكوژیێ دئێنە بكارئینان".
شنگالێ گۆتژی هەتا نۆكە جیهان هەموو ل بەرامبەری سزادانا داعشێ بێ دەنگ مایە.
تعليقات