شاندەكێ جوهیێن ئەمریكا كار بۆگەهاندنا ناما ئێزدیان بۆ جیهانێ دكه‌ت
تۆرا لالش یا راگەهاندنێ/لوقمان سلێمان
بەرێز"زاك باززی"ژ جوهێن ئەمریكا دەمێ سەرەدانا خۆ دا بۆ پەرستگەها لالش بۆ(تۆرا لالش یا راگەهاندنێ)دیاركر:"كو سەرەدانا مە ئیرۆ بۆ پەرستگەها لالش ئەڤ پەرستگەها كەڤن یا ئێزدیان بۆ گەلەك یا گرنگە،چنكو ئەم ژ شاندەكێ جوهیێن ئەمریكا و یێن كوردین،كو مە دڤێت ژ نێزیك ڤە ئێزدیان بناسین،ژبەركو ئەم دوان وەختێن ب زەحمەت دا ژیاینە یێن ئێزدی تێدا ژیایین ل دەمێ هێرشا رێكخراوا داعش یا تیرۆرستی بۆ سەر باژێرێ وان ل شنگالێ و دەڤەرێن دیتر یێن ئێزدیان،ئیرۆ مە سەرەدانا ئێزدیان كریە داكو نێزیكی وان بین وگوه ل دەردەسەری و ئازارێن وان ببن".
زێدەتر گۆت:"شاندێ مە ژ مافپەروەران پێك دئێت كو كاردكن دبوارێ مافێ مرۆڤی دا و ئەركێ مە ئەوە گەهاندنا ناما ئێزدیا بۆ گەلەك وەلاتان ژ ئەوا ئێزدی تووشبووینێ ژ تاوانێن كرێت ل سەر دەستێ رێكخراوا داعش یا تیرۆرستی ل دەستپێكا هەیڤا ئابا 2014ێ،دیسان رێكخراوا تیرۆرستی دەستێ خۆ كرە سەر پێكهاتێ كرستیان ژی ل عێراقێ و ئەم یێ كاردكەن ژبۆ گەهاندنا ناما وان بۆ جیهانێ".
باززی دووپاتكر:"ئەم دگەل ئێزدیا دسەكنین،چنكو د دەمێن ب زەحمەت دا ژیاینە یێن ئێزدی تێرا دەرباز دبن ژ كوشتن و وێرانكرن و تالانكرن و كۆچكرن و سەبیكرنا ژنان،ئەم گەلەك ئیشاین ژ ڤان تاوانێن كرێت یێن هاتینە ئەنجامدان دژی پێكهاتێ ئێزدی ل شنگالێ،ئەم ژی ژیاینە ل دەمێ كۆچكرنا جوهيیان ژ عێراقێ بەری ئێزدیا و كرستیانان،ب هەزاران ژ جوهيیان دڤێتن هاریكارییا ئێزدیا و كرستیانان بكن و یێ كاردكن ژبۆ گەهاندنا ئازارێن وان بۆ گەلەك وەلاتان ب رێیا چەند رێكخراوان كاردكن دڤی بیاڤی دا".
تعليقات