ژ 600خێزانان كێمتر ژ 50خێزانان دناڤ گوندێ ئێسیان دا ماینە
ئێزدیخان نیوز:
ل گوندێ ئێسیان ژ كۆما 600خێزانان كێمتر ژ 50خێزانان ماینە و یێن دی كۆچكرینە دەرڤەی وەلاتی،چالاكڤانەكێ ئێزدی ژی دبێژت، ئەگەر مافێ ئێزدیان ب تەمامی و دابینكرنا گرەنتیێن نێڤ دەولەتی و ناڤخۆیی بۆ ڤێ مانێ نێتە دابینكرن و دان،دێ عێراق و كوردستانا عێراقێ ژ ئێزدیان ڤالا بن.
چالاكڤانێ ئێزدی"موراد ئسماعیل"دراگەهاندنەكێ ئاشكەراكر:"گوندێ ئێسیان نمونەكە ژ گوندێن ئێزدیان یێن دیتر ل وەلات شێخ كو پتریا ئاكنجیێن وێ كۆچكرینە،تنێ كێمتر ژ 50خێزانان تێدا ماینە ژ ئاكنجیێن وێ یێن رەسەن ژ كۆما 600خێزانان،ئەگەر ئاوارە تێدا نەبان دا یا ڤالا بت ب تەمامی،دەمێ دبێژین ئاریشا ئێزدیان ئاریشا هەبوونێ یە،ونە تنێ داعش ئاریشەیە كەس دمە ناگەهت،بەلێ ئاریشا ئێزدیان هەبوونە و نە ئاریشا ئاڤەدانیێ یە".
دبێژت ژی وەك چاوان كوردستانا توركیا ژ ئێزدیان ڤالا بوو دێ عێراق و كوردستانا عێراقێ و كوردستانا سووریا دێ ڤالا بن،ئەگەر مافێ ئێزدیان ب تەمامی نەدەنێ و دابینكرنا گرەنتیێن نێڤ دەولەتی و ناڤخۆیی بۆ ڤێ مانێ.
هەروەسا ئاماژەكریە گەلەك ئیشام ژ راستییا خسارەتا مە بۆ ئەردێن مە و ڤالاكرنا ڤان دەڤەران دگەل بۆرینا دەمی ژ ئێزدییان،ئێزدیخان بێ ئەرد نابتە ئێزدیخان بەلكو دێ بتە گەلەكێ بێ ئەرد و نشتیمان.
چالاكڤانی راگەهاندیە ژی كارەكێ جوان هەبوو ئەو ژی سەكنینا خەلكێ ڤی گوندی دگەل ئاوارەیان ژخەلكێ شنگال و باشیك و بەحزانێ و ڤەحواندنا وان دڤی كاودانێ ب زەحمەت دا،بەلێ چوو جوداهی دناڤبەرا وەلاتی و بەحزانی و باشیكی و شنگالی دا نەبوو.
تعليقات