ئێزدیخان نیوز:
نێزیكی 5هەزار خێزانێن ئاوارە دناڤ كۆمەلگەها شاریا دا ئاكنجینە،دناڤ دا خێزانێن هەژار و كێم دەرامەت هەنە قوتێ خۆ یێ رۆژانە نینە بخۆن و هاریكاری كێم دگەهنێ،بنگەهێ لالش ژی بەرهەڤیا خۆ دیار دكەت دگەل هەر رێكخراوەكێ هاریكاربت دەستێ هاریكاریێ بۆ درێژ بكەن.
دلگەش سەلیم،بەرپرسێ بنگەهێ لالش ل كۆمەلگەها شاریا بۆ مالپەرێ(ئێزدیخان نیوز)ئاشكەراكر:" مە ئامارەكا راست ل بنگەهی هەیە كو رێژەكا مەزن یا ئێتیمان یێن ئاوارە یێن بێ دەیك و بێ باب و بێ سەمیان ل ناڤ و دسنوورێ كۆمەلگەهێ دا هەنە و ب هەڤكاری دگەل حكوومەت و رێكخراوان مە خزمەتەكا باش پێشكێشی ڤێ تەخێ كریە".
بەرپرسێ بنگەهێ لالش تەكەزكر:"نێزیكی 5هەزار خێزانێن ئاوارە ل دەرڤەی كەمپا شاریا ئاكنجینە كو دناڤ كۆمەلگەهێ و گوندان دا دژین،رێژەكا هەرا مەزنا خێزانێن هەژار و كێم دەرامەت دناڤ وان دا هەینە كو پتری 300خێزانا مە ل بنگەهی تۆماركرینە و هەتا هندەكا قوتێ خۆ یێ رۆژانە نینە بخۆن،چەند جاران مە ناڤێن وان بلندكرینە و جار جاران كەلوپەلان دگەهینێ و نە ل ئاستێ پێدڤی نە و ئەرزاق ژلایێ بۆردێ كاربارێن مرۆڤایەتی ل دهۆكێ ل سەر وان دئێتە بەلاڤكرن و یێ كێمە،ژبەركو تێرا خێزانێن هەژار ناكەت".
سەلیم ئاماژەكر:"ئەگەر دووڤچوونەكا راست هەبت دبت 500هەتا 600خێزانێن هەژار و كێم دەرامەت هەبن و دەرگەهی مە بۆ رێكخراوان دڤەكرینە كو خێزانێن هەژار بۆ دەست نیشان بكەین و دەستێ هاریكاریێ بۆ درێژ بكەن".
تعليقات