التخطي إلى المحتوى الرئيسي
بحث هذه المدونة الإلكترونية
شاندەكێ نێڤ دەولەتی:رێكخراوا داعش تاوانێن د دەرهەقێ ئێزدیان ئەنجامداین كۆمكوژیا بكۆمە
ئێزدیخان نیوز:
دوهی رۆژا سێ شەمبوویێ 10/1/2017ێ،شاندەكێ نێڤ دەولەتی یێ تایبەتمەند ب جینۆسایدێ سەرەدانا دیوانا میرێ ئێزدیان ل شێخان كرن.
میر "هەكار حازم تەحسین بەگ"راگەهاند:" شاندەكێ نێڤ دەولەتی یێ تایبەتمەند ب جینۆسایدێ سەرەدانا دیوانا میرێ ئێزدیان ل شێخان كرن و ژبال"حازم تەحسین بەگ" وەكیلێ میرێ ئێزدیان هاتە پێشوازیكرن،ئەڤ سەرەدان هات پێخەمەت بۆ دیتنێ ل سەر دۆخ و شوونوارێن تاوانان یێن رێكخراوا داعش د دەرهەقێ ئێزدیان ل شنگالێ ئەنجامداین بوو.
هەكار،راگەهاند ژی شاندێ تەڤگەرا نێڤ دەولەتی یا زانایێن جینۆسایدێ د دیدارا لگەل وەكیلێ میری دووپاتكر كو ئەوا رێكخراوا داعش ژ تاوانان د دەرهەقێ ئێزدیان ئەنجامدایی ئەو كۆمكوژیا بكۆمە و دێ رابین ب تەمامكرنا ئەركێ خۆ ب كۆمكرنا بەلگەیان و دكیۆمێنتكرنا وان تاوانان دەستەیا دووڤچوونێ و كۆمكرنا بەلگە و چارەسەركرنێ.
تعليقات