هەموو پرۆژەیێن نیڤەرۆ ل شنگالێ دێ ئێنە تەمامكرن
باسنبۆز:
رێڤەبەرێ گشتیێ باژێرڤانیێ ل پارێزگەها دهۆكێ دیاركر بەری تیرۆرستێن داعش هێرشی سەر قەزا شنگال بكەن ب كوژمێ 12 ملیار دیناران پرۆژە ل شنگال دهاتنە ئەنجامدان، نۆكە مە بریار دایە هەموو پرۆژەیێن نیڤەرۆ بهێنە تەمامكرن ل وێ دەڤەرێ.
ئەندازیار هەڤال ئەحمەد، رێڤەبەرێ گشتیێباژێرڤانیێ ل پارێزگەها دهۆكێ بۆ (باسنیوز) دیاركر ب كوژمێ 9 ملیار دیناران پرۆژە دهاتنە دروستكرن زێدەباری دوو ملیار دینار ئالیات بۆ باژێرڤانیا شنگال هاتبوونە كرین. لێ ئەو ئالیات نەمان نۆكە ئەو پرۆژێن کو ب كوژمێ 9 ملیار دیناران هاتنە دروستكرن، هەموو نیڤەرۆ ماینە. ئەم سەر شوول دكەین هەموو پرۆژە بهێتە تەمامكرن. دووڤ راسپاردێن حكومەتا هەرێما كوردستانێ ب پشتەڤانیا دەولەتێن بیانی دێ ڤەدیتن بۆ هەموو پرۆژان هێنە دروستكرن وجارەكا دی هەموو ئەو پرۆژە دێ هێنە چێكرن.
هەڤال ئەحمەد گۆتژی:" باژێرێ شنگال هەموو هاتیە پاقژكرن و 25 كریكار ژی هاتینە دابینكرن بۆ پاقژكرنا بەردەوام دەڤەرا شنگال وحكومەتا هەرێما كوردستانێ دێ پووتەكی مەزن ئاڤادانیا شنگال دەت".
تعليقات