یارێزانەكێ ئێزدی دیانا لیڤەركوزن یا ئەلمانی یا شەترەنجێ دایە
ئێزدیخان نیوز:سالار فائز/ ئەلمانیا
گەنجێ ئێزی" ئازادی عەنتەر بەدەل "خەلكێ ناوچەدارییا باعەدرێ یە و تەمەن 21سالە ،ئەڤە نێزیكی سێزدە سالایە یاریزانێ یاریا شەترەنجێ ،ل ڤی ماوەی دا بەشداری د گەلەك خۆل و قارەمانیان دا كریە ل سەر ئاستێ عێراقێ ب گشتی وهەرێما كوردستانێ ب تایبەتی،نۆكە یارێزانێ یانا لیڤەركوزن یا ئەلمانی یە.
ئازادی،بۆ مالپەرێ(ئێزدیخان نیوز)خویاكر:"هندەك جارا تاكانە و هندەك جار ژی وەك تیم من بەشداریكریە ل گەلەك یانێن كوردستانێ دا و پلێن هەرە باش ب دەستڤەئیناینە تایبەت ل قارەمانێن دەستنیشانكری ژ ئالیێ تەمەنی ڤە،حەژێكرنا من بۆ ڤێ یاریێ دزڤرتە هندێ كو بابێ من ئەز فێركرم ویا دی ژی كو چاوا لایەنەك ل شەرێن بەرێ ب سەردكەفت ب رێیا پلانێن شەترەنجێ و هەتا نۆكە ژی پلانەك هەیە دبێژنێ پلانا ناپلیونی كو ب چار پێنگاڤا دێ بتە كش و مات".
سەبارەت یاریكرنێ ل ئەوروپا دبێژت:" جێوازیا وێ ژ كوردستانێ ئەوە سیستەمەكێ ستاندەر و ئێكگرتی هەیە،كو خال بۆ یاریزانا دئێنە دەستنیشانكرن ل ئینتەرنێتێ و جیهان هەموو دزانت كا ئاستێ یاریزانی چەندە".
ل داویێ ژی ئاماژەكر:"هیڤیا من ئەوە ل پاشەرۆژێ بمە یاریزانێ شەترەنجێ ل یانا سەرەكی یا ئەلمانی دا".
تعليقات