شيرەتكارێ سەرۆكێ ئەمریكا سەرەدانا دیوانا میرێ ئێزدیان و جڤاتا بابا شێخ كر
ئێزدیخان نیوز:
شاندەكێ پێكهاتی ژ ئێك ژ شیرەتكارێن سەرۆكێ ئەمریكا یێ نوو "دونالد ترامب" دگەل ژمارەكا بەرپرس و كەسایەتییان،سەرەدانا دیوانا میرێ ئێزدیان میر"تەحسین سەعید بەگ" كرن.
سلێمان عومەر،ژ راگەهاندنا دیوانا میری،بۆ مالپەرێ(ئێزدیخان نیوز)دیاركر:"ئیرۆ رۆژا دووشەمبوویێ 9/1/2017ێ، شاندەكێ پێكهاتی ژ "سام یونو"ئێك ژ شیرەتكارێن سەرۆكێ ئەمریكا یێ نوو "دونالد ترامب"،دگەل دا رێڤەبەرێ ناوچەدارییا عینكاوا و "معن باسم"رێڤەبەرێ بەرنامێ پێكڤەژیانا ئاشتی ل نەینەوا و "محەمەد یاسین"ئەندام ل رێكخراوا جیهانی یا مافێ مرۆڤی و "رفعەت سمو"موفەتش ل وەزارەتا باژێرڤانییان ل حكوومەتا فیدرال و "خەلات بیبو"رێڤەبەرێ باژێرڤانیا شێخان و"غانم جروت"رێڤەبەرێ باژێرڤانیا ئەلقووش،ژبال نەڤیێ میری پارێزەر"غەدیر فەرهاد تەحسین بەگ"هاتنە پێشوازیكرن".
سلێمان گۆتژی دهەڤدیتنەكێ دا،بەحسێ كێمینەیێن ئاینی ل دەشتا مووسلێ و رەوشا نۆكە و ئازارێن وان و پێتڤیا ئێكگرتنا گۆتارێ و رازیبوون ل سەر بۆچۆنان و پێشنیاران و داخوازییان هاتە كرن،ژپێخەمەت گەهاندنا وان بۆ حكوومەتا ئەمریكا یا نوو.
دا زانین هەمان شاند سەرەدانا جڤاتا"بابا شێخ ختو"ل باژێرێ ئێسفنێ كر ب ئامادەبوونا"هادی بابا شێخ"رێڤەبەرێ نڤیسینگەها وی،هەر دهەڤدیتنەكێ دا بەحسێ بۆچۆنا بابا شێخ و ئامادەبوویان ل جڤاتا وی كرن ل سەر كاروبارێن گرێدایی خەلكێ دەشتا نەینەوا كرن،ژبۆ گەهاندنا بۆچۆن و پێشنیار و داخوازییان بۆ سەرۆكێ نوو ئەمریكا یێ نوو.
تعليقات