بۆ خێرخوازان...ئەڤ زارۆكە نابینا دبت... خێزانا وی پێدڤی هاریكاریا مادی یە
ئێزدیخان نیوز:
زارۆكەكێ ئێزدی یێ ئاوارەیێ شنگالێ ل گوندێ دێرەبوونێ ئاكنجی یە، ب ئەگەرا كەتنا پارچەكا گۆشتی ل سەر تۆرا چاڤێن وی،هەردوو چاڤێن خۆ ژ دەست داینە و نابینا دبن.
رۆژنامەڤان"شەمال خدر"ژ گوندێ دێرەبوونێ بۆ مالپەرێ(ئێزدیخان نیوز)خویاكر:"زارۆكەكێ ئێزدی ب ناڤێ"ئەلند قائیدی"ئاوارەیێ شنگالێ یە، ب ئەگەرا كەتنا پارچەكا گۆشتی ل سەر تۆرا چاڤێن وی هەردوو چاڤێن خۆ ژ دەست داینە و نابینا دبن،پشتی خێزانا وی بریە نەخۆشخانا دهۆكێ و پشكنین ژلایێ نۆژداران ڤە بۆ هاتنە كرن ،دیاربوو كو پارچەكا گۆشتی كەتیە سەر هەردوو چاڤێن وی و دنیایێ پێ نابینت و نۆژداران دیاركر كو ل دهۆكێ چارەسەریا چاڤێن وی نینە".
خدر گۆتژی نەخۆشخانەكا چاڤان ل هەولێرێ دێ چارەسەریا ڤی زارۆكی كەت ،خێزانا وی دیاركر كو ژبەر بهایێ نشتەگەریێ كو گوژمەكێ دراڤێ مەزن دڤێت،ئەم ئاوارەنە و هەژارن ئەو گوژمێ وان دیاركری مە ل بەردەست نینە و مە پێ چێنابت نشتەگەریێ ئەنجام بدەین و داخوازێ ژ هەر كەسەكی و خێرخوازەكی و جهەكی دكن ژ ئالیێ مادی ڤە هاریكاریا وان بكەن.
تعليقات