ڤیان دەخیل داخوازا تەرخانكرنا كورسیەكێ ل كۆمسیۆنا بلندا مافێ مرۆڤی بۆ ئێزدیان دكەت
ئێزدیخان نیوز:
ڤیان دەخیل،پەرلەمانتارا كوردا ئێزدی دئەنجوومەنێ نوونەرێن عێراقێ دە،ئیرۆ رۆژا پێنج شەمبوویێ،دكۆنگرەیەكێ رۆژنامەڤانی دە ل ئەنجوومەنی هاتە گرێدان،داخواز كر كورسیەك ل كۆمسیۆنا بلندا مافێ مرۆڤی بۆ پێكهاتێ ئێزدی بێتە تەرخانكرن.
دەخیل دبەیاننامەیەكێ دە رۆنكریە،هەموو پێكهاتێن گەلێ عێراقێ تووشی زۆریێ بووینە ل سەر دەستێ گرۆپێ داعش یێ تیرۆرستی،بەلێ زۆریا پتر ل سەر ئێزدیان بوو پشتی تووشی دەركرن و گرتن و سبەیكرن بووین و ژنێن وان تووشی فرۆتن و كرینێ بوون ل تاوانەكێ روویێ مرۆڤایەتیێ ئیدانە دكەت.
ئەو ژی دایە دیاركرن،ئیرۆ دبینن دكۆمسیۆنا بلندا مافێ مرۆڤی دە پێكهاتێ ئێزدی نوونەراتی تێدا نینە و داخواز دكەین كورسیەك بۆ ڤی پێكهاتی بێتە تەرخانكرن،رۆنكر ژی ئێزدیان نوونەراتی ل كابینا ویزاری و ل بالیۆزخانان و هەموو وەزارەتان نینە و هەتا رێڤەبەرێ گشتی.
نڤیسینگەها راگەهاندنا پەرلەمانتار ڤیان دەخیل
تعليقات