دڤێت دەرهێنەرێ فلمێ رەشەبا داخوازا لێبۆرينێ ژ ئێزدیان بكەت /میران سەباح
دڤێت دەرهێنەرێ فلمێ رەشەبا داخوازا لێبۆرينێ ژ ئێزدیان بكەت
میران سەباح
دەست خۆشیێت فلم بوونە رەخنە و تێكدان،لەوا دبێژم سیناریۆ و فلمێن شاش وەرارا مە بۆكچێت مە كێم ناكەت،بەلكو بهێزتر دكەت جڤاكێ ئێزدیان كچێت خۆ بتر ژخۆ پاراستن ب هەموو رەنگا بەرەڤانی ژمافێت وێ كرن پرانیا وان هنارتنە ژدەرڤەی وەلات بۆ چارەسەریێ پرانیا وان كرنە بووك شاهیت وان كرن و هەموو ب قەفتكێن گولا ژ بال خۆرت و كچ و دایك و بابێن جڤاكا ئێزدیان ل پەرستگەها پیرۆزا لالش هاتنە پێشوازیكرن،نزانم سیناریۆ یا ڤی دەرهێنەری پلان بوو یان ژی دووری هەرێما كوردستانێ بوو رەوشا ئاواران و سەرەدەریا ئێزدیان دگەل رزگاربوویان نەدیت؟ یان ژ بتەنا سەرێ خۆ دووڤ هزرێت خۆ یێت شاش چیرۆك دادنە بۆ ئاینەكێ هەفتی وچارفەرمان لێ رابووین،هێشتا برینێت مە یێت نالن و هێشتا رۆندكێت مە یێت بارن هێشتا ئەم بژانین و هەست ب ئازاردانێ دكەین ژنو هندەك دهێن رەوشا مە دوور ژ راستیێ دكەنە سیناریۆ بدەرە و ددەنە خویاكرن،ئەم پپَدڤی چوو فلمان نینین ئەم پپێدڤی لێ بۆرینێ خۆشكرنا ژیانەكە باشترین بۆكچێت رزگاربووی هەكە فلمێ رەشەبا نەئێتە سەكناندن دێ كارڤەدانێن مەزن لپێ خۆهێلت،ناخوازین فلمێت ب ڤی جۆری دوور ژراستیێ سەرمە بێنە چێكرن.
جیهان وكوردستان شاهدن سەر سەرەدەرە و پێشوازیا ئێزدیان دگەل كچێت وان ،مەلبەربوو كو دفلم دا كچا رزگاربووی بێتە هێمایێ شەرەفێ نەك بێتە رسواكرن و شەرمەزاركرن،لێ جێ داخێ هەتا نهۆ هندەك رەوشەنبیر ببنەرەشبیر راستیا راست ڤەشێرن و شاشیا بەلاڤ كەن فلمەك كو بۆ ئاینەك بێتەچێكرن،دڤیتَ رایا گشتیا جڤاتا رۆحانی وسازیێت رەوشەنبیری سەر سیناریۆیێ بێت هەموویێ دووسێ جاران بۆ وان شرۆڤە بكەت رۆنكرنێ بدەت نەك بتەنا سەر خۆ فلمی ب داوی بینت ژنو رایا ئێزدیان وەرگرت،لەوا كارڤەدان كەفتنێ ب هیچ رەنگەكی ئێزدیەك بتنێ ژی دگەل ڤی فلمی نینە دگەل سەكناندنا وی نە ،دڤێت حكوومەتا هەرێمێ و رێڤەبەرییا رەوشەنبیری و وەزارەتا رەوشەنبیری نەرازیبوونا جڤاكا ئێزدی بەرجاڤ وەرگرت،ب داخوازی وپێشنیارێت وان ڤە بزووترین دەم فلم بێتە سەكناندن هەكە نە دێ كارتێكرنێ ل پەی خۆ هێلت،چارەسەری دێ ب زەحمەت بت،هیڤی خوازین فلم نێتە نمایشكرن پشتی وێ خەنجەرا ل قولنجا ئێزدیان دا ژپشتڤە كچێت مە ژ فلم پیرۆزترن،لەوا دخوازین بەس هەستێ كچێت مە بێتە شكاندن و دلێ مە بخەم بكەڤت ژبەرفلمەكێ شكەستی بلا هەستێت مە نەبنە قوربانی بلا ئێدی رێك ل تێكدەرا بێتەگرتن یێن كودبنە رێگرێت پێكڤەژیانێ و لێبۆرنێ،دڤێت هەركەس باجا خەلەتیێت خۆ بدەت برێكێت یاسایی،بەلێ بۆ سەكناندنا فلمێ رەشەبا یێ كو دوور ژراستیێ.
