ئێزدی دێ ل ئەلمانیا داخوازا هاریكاریێ ژ جڤاكێ نێڤ دەولەتی كەن
ئێزدیخان نیوز:
ب هەلكەفتا بۆرینا دوو سالان ل سەر كارەساتا ئێزدیان،بنگەهێ فێركرنێ یێ مافێ مرۆڤی و ب هەماهەنگی لگەل كۆمەلا هەڤگرتنا ئێزدیان ل ئەلمانیا،دێ خۆپیشاندانەكا هەڤگرتنێ لگەل وان دەردەسەریێن ب سەرێ ئێزدیان هاتین و ب تایبەت كوشتارا كۆمكوژیا بكۆم یا ل شنگال و گوندێ كۆچۆ و باشیك وبەحزانێ چێبوویی.
عەلی عیسۆ،سەرۆكێ بنگەهێ فێركرنێ یێ مافێ مرۆڤی ل ئەلمانیا بۆ مالپەرێ(ئێزدیخان نیوز)گۆت:ئەڤ خۆپیشاندانە دێ ل رۆژا چارشەمبوویێ ل رێككەفتی 3/8/2016بت،چەند پەیڤ دێ هەبن ل سەر ناڤەرۆكا كۆمكوژیێ ب زمانێن ئەلمانی و عەرەبی و كوردی،دێ رابین ب بەلاڤكرنا بەلاڤۆكان و دێ تێدا ئاخڤین ل سەر ژمارەیا قوربانییان ل كۆۆكوژیا بكۆم،دیسان دخۆپیشاندانێ دا دێ داخوازا پشتەڤانی و هاریكاریێ كەین ژ جڤاكێ نێڤ دەولەتی،ژبۆ ژناڤبرنا رێكخراوا داعش یا تیرۆرستی ورزگاركرنا گرتییان و كاركرن ل سەر دووبارە ئاڤەدانكرنا دەڤەرێن ئێزدیان یێ وێرانكری وبەرێ خۆدانا چارەنڤیسێ پەنابەرێن ئاسێ ل یونانێ یێن ژبەر داعشێ رەڤین.
عیسۆ ئەو ژی ئاشكەراكر:ئەڤ خۆپیشاندانە دێ وەك نامەیەكێ بت و تێدا دووپات دكەین كو ئێزدی هێشتا ب دۆزەیێن خۆڤە نە وبەردەوامن ل سەر خەباتێ ب ئاراستەی تیرۆرێ،گرتیێن ئێزدی ل پێشیا دۆزێن گرنگن یێن كو دێ بزاڤێ كەین بۆ دیتنا چارەسەریان بۆ را،ب رێیا فشاركرنێ ل سەر حكوومەتێن رۆژئاڤا بۆ رزگاركرنا وان ب هەر رێیەك و ئالاڤەكێ هەبتن.
