التخطي إلى المحتوى الرئيسي
بحث هذه المدونة الإلكترونية
رێ و ره‌سمێن توافان ل نك ئێزديان
ئێزديخان نيوز:
داود موراد خه‌تارى ڤه‌كۆله‌رێ میژوویێ بۆ مالپه‌رێ باسنيوز دیاركر، د ئێزدیاتيێدا هه‌موو تشته‌ك ب چاندنێ ڤه‌گرێدایه، ژ به‌ر كو ئێزدى د وه‌ختێن به‌رێ دا مژوولى كارێن چاندنێ بوون، له‌وراژى هه‌ر هوزه‌كێ و هه‌ر ده‌ڤه‌ره‌كێ بۆ خوه ڕۆژه‌ك د دانان كو ته‌وافا خوه بكه‌ن، ده‌مێ ئێزدیان هزر كرى ته‌وافا خاسین خوه بكه‌ن بۆ وێ چه‌ندى خاسى خوه جوان و ڕێك و پێك بكه‌ن و نوو بكه‌ن.
داوود موراد ئه‌وژى دیار كر، ئێكه‌مین ته‌وافه ل گۆر مێژوویا ئێزدیاتیێ، چوارشه‌مبیا سۆر ژ مه‌ها ئێكێ ژ نیسانێ ده‌ست پێ دكه‌ت و پشتى بۆرینا چوارشه‌مبیا سۆر ڕێوره‌سمێن ته‌وافا ده‌ست پێ دكه‌ن، ب تنێ ته‌وافا شه‌خسى باتى به‌رى جه‌ژنا چوار شه‌مبیاسۆر دهێته كرن و هه‌موو ته‌وافێن دى یێن ئێزدیان پشتى چوارشه‌مبیا سۆر دهێنه كرن و پتریا ته‌وافا ل ڕۆژێن ئه‌ینىدانه.
گۆتژى: ته‌وافا پیر مه‌ند دووماهى ته‌وافه ل هه‌یڤا شه‌ش، ئێزدى ل ده‌ڤه‌را دهۆكێ دگێرن و پشتى هینكى ل ده‌ڤه‌را شنگال ته‌وافه هه‌نه، یێن ده‌ڤه‌را شنگال هه‌تا هه‌یڤا 7 دمینن، وه‌كو ته‌وافا شه‌رفه‌دین ل به‌ر مه‌زارگه‌هێ شه‌رفه‌دین دهێته كرن.
خه‌تارى ئاماژه دا وێ چه‌ندێ، پێدڤیه ئێزدى ته‌وافا بكه‌ن، چونكو ئایین ل ڕۆژا ئاخره‌تێ موحاسبه‌تا مرۆڤى دكه‌ت، ل هه‌ر گۆنده‌كێ ئێزدیان نیشانگه‌ه خاس و چاك هه‌نه و ئێزدى سالانه ته‌وافا وان دكه‌ن، ئه‌و ژى ب گێرانا ڕێوره‌سمێن تایبه‌ت یێن ئاینى ل هه‌موو گۆندان پارچه‌كا قوماشى خاسى ڤه دكه‌ن ئه‌و قوماش ڕامانا وێ ئه‌وه نووكرنه دهێته گوهارتن ل خه‌تارێ و دوغاتا ئێزدى ناڤ ڕێوره‌سمێن ته‌وافادا په‌رێ سوار دكه‌ن و په‌رى سواركرن ژى پارچه‌كا قوماشى دهێنه ده‌رئێخستن ژناڤ مه‌زارگه‌هى گۆندى و سوار دكه‌ن دپێشیێ دا كه‌یف و خوشى خه‌لك گۆندى دچن بۆ ڕووبه‌ره‌كێ درێژ جدناڤ گۆندى ڕا دچن و جاره‌كا دى ڤه‌دگه‌رینن ل هه‌موو ده‌ڤه‌ران خوارنه‌كا تایبه‌ت دهێته چێكرن، ئه‌وژى دبێژنێ سمات.
