التخطي إلى المحتوى الرئيسي
بحث هذه المدونة الإلكترونية
شاندێ ئێزديان چه‌ندين رونشتن لگه‌ل په‌رله‌مانێ بريتانيا گرێدان
ئێزديخان نيوز:
شاندێ ئێزديان ب سه‌رۆكاتيا حازم ته‌حسين به‌گ،جێگرێ ميرێ ئێزديان يێ ب داخوازناما فه‌رمى سه‌ره‌دانا له‌نده‌نێ كرى،دوهى 11ئه‌يارێ 2016،چه‌ندين رونشتن دگه‌ل سه‌رۆك و ئه‌ندامێن په‌رله‌مانێ بريتانيا گرێدان.
درونشتنێن هاتينه ئه‌نجامدان هه‌ردوو ئاليان ره‌وشا ئێزديان ب شێوه‌يه‌كێ گشتى و شه‌رێ لگه‌ل داعشێ و قۆناغا كورێن ڤى ئاينى تێرا ده‌رباز دبن پشتى هێرشا داعشێ به‌حسكرن،زێده‌بارى كۆچبه‌ربوونا پترى 400هه‌زار ئێزدى بۆ هه‌رێما كوردستانێ و گرتنا پترى پێنج هه‌زار ئێزدى و كوشتنا پترى سێ هه‌زار ئێزديان و ئاشكه‌راكرنا چه‌ند گۆرێن ب كۆم.
شاندێ ئێزديان يێ فه‌رمى ب سه‌رۆكاتيا حازم ته‌حسين به‌گ جێگرێ ميرێ ئێزديان و مه‌مۆ عوسمان وه‌زيرێ به‌رێ ل حكوومه‌تا عێراقێ و جه‌ميل سلێمان وه‌زيرێ چاندنێ يێ به‌رێ ل حكوومه‌تا هه‌رێما كوردستانێ و پێشيمام فاروق پێشيمامێ باشيك و به‌حزانێ و ميرزا حه‌جى ميرزا قيرانى ئێك ژ ريهسپيێن شنگالێ،ل سه‌ر داخوازناما جڤاتا گشتى يا بريتانى و ده‌زگه‌هێ وستمنستر يێ ديموكراسيێ و كه‌نيسا بريتانى و زانكۆيا ئه‌كسفورد و كاركرنێ لگه‌ل ده‌زگه‌هێ عه‌مار يێ خێرخوازى سه‌ره‌دانا له‌نده‌نێ پايته‌ختێ بريتانيا كريه.
