وه‌زاره‌تا كۆچ و كۆچبه‌رێن عێراقێ ب شێوه‌يه‌كى فه‌رمى كچا ئێزدى(ناديا مراد)بۆ ب ده‌ست ڤه‌ئينانا خه‌لاتێ نۆبل يێ ئاشتيێ به‌ربژێر كر،ژبه‌ر رۆلێ وێ يێ گرنك بۆ ناسينا جيهانێ لسه‌ر ده‌رده‌سه‌رى و ئازارێن ژنا عێراقى ب گشتى و ژنێن ئێزدى ب تايبه‌تى ل وان ده‌ڤه‌ران يێن رێكخراوا داعش يا تيرۆرستى داگيركرين.
وه‌زاره‌تا كۆچ و كۆچبه‌رێن عێراقێ،ئيرۆ رۆژا سێ شه‌مبوويێ 5/1دراگه‌هاندنه‌كێ ده به‌لاڤكريه،به‌ربژێكرنا وه‌زاره‌تێ بۆ خوشكا مه ناديا مراد بۆ خه‌لاتێ نۆبل يێ ئاشتيێ دئێت پشتى جڤاتا ئاسايشا نێڤ ده‌وله‌تى ده‌مێ رونشتنه‌ك گرێدايى ل دۆر بازرگانيكرن ب مرۆڤان ل ململانێيان ده‌مێ دوێ درونشتنێ دا ئاخفتى لسه‌ر ئازارێن ژنێن ئێزديان يێن ره‌ڤاندى ژ بال تيرۆرستێن داعشێ ڤه و ئه‌وا تووش دبنێ ژ پێشه‌لكاريان كو هه‌موو مرۆڤايه‌تى ئيدانه دكه‌ن،بانگه‌وازيه‌ك ئاراسته‌ى جڤاكێ نێڤ ده‌وله‌تى كر بۆ رزگاركرنا 3400ژنێن ئێزدى ژ ده‌ستێن داعشێ،زێده‌بارى وێره‌كيا وێ بۆ ده‌ربرينێ ژ ئازارێن وێ و ئازارێن خوشكێن و خۆ لبه‌رگرتنا وێ ئه‌وا ب سه‌ر وێدا بۆرى ژ وان كاودانێن ب زه‌حمه‌ت.
هه‌روه‌سا وه‌زاره‌تێ دياركريه،ئه‌م شانازيێ ب به‌ربژێكرنا خۆ بۆ ڤێ كچا عێراقى دبه‌ين بۆ خه‌لاتێ نۆبل يێ ئاشتيێ،دخوازين ژ رايا گشتى يا جيهانى و هه‌موو رێكخراوێن شۆله‌ژێ دكه‌ين پشته‌ڤانيا به‌ربژێكرنا وێ بكه‌ن،ژبه‌ركو ئه‌و يا ژ هه‌ژى يه ببته هێمايه‌ك بۆ ژنێ ل دژى هێزێن زۆردار.
