پشتى وه‌زاره‌تا كۆچ و كۆچبه‌رێن عێراقێ بۆ خه‌لاتێ نۆبلێ به‌ربژێركرى،(ناديا مراد)كچا ئێزدى راگه‌هاند،كێشه‌يا من ب خه‌لاته‌كى ب داوى نائێتن،به‌لێ دێ ب ده‌ست ڤه ئينانا دادپه‌روه‌ريا نێڤ ده‌وله‌تى و ژناڤبرنا داعشێ و رزگاركرنا ره‌ڤاندييان ب داوى ئێتن.
كچا ئێزدى (ناديا مراد) دراگه‌هاندنه‌كێ ده ئاماژه‌كريه،پشتى تيما من ئيرۆ ل گه‌ل وه‌زيرێ كۆچ و كۆچبه‌رێن عێراقێ ئاخفيتن،عێراقێ ب فه‌رمى ئه‌ز به‌ربژێركرم بۆ خه‌لاتێ نۆبل يێ ئاشتيێ،به‌لێ كێشه‌يا من ب خه‌لاته‌كى ب داوى نائێتن،به‌لكو دێ ب ده‌ست ڤه ئينانا دادپه‌روه‌ريا نێڤ ده‌وله‌تى و ژناڤبرنا داعشێ و رزگاركرنا ره‌ڤاندييان و ب داوى ئينانا كۆمكوژيا بكۆم دده‌رهه‌قا ئێزديان ده و توندره‌وى ل دژى كێمينه‌يێن مه‌سيحى و شه‌به‌ك و سابئه و پێكهاته‌يێن هه‌مه‌جۆرێن بوسلمان ب داوى ئێتن.
هه‌روه‌سا راگه‌هانديه ژى دڤێت بكارئينانا ئايينى بێته سه‌كناندن بۆ ئه‌نجامدانا كوشتن و ده‌ست درێژيكرن ل ژنان و زارۆكا و ده‌ربه‌ده‌ركرنا بێ گونه‌هان،دڤێت ئێزدى و هه‌موو كێمينه و گه‌ل و نه‌ته‌وه ل سه‌ر ئه‌ردى ب ئاشتيانه بژين،هه‌ر ژنه‌ك و زارۆكه‌ك ژى ب ئاشتيانه بژيتن.
ل داويێ ژى گۆتيه سوپاسيا هه‌موويان دكه‌م يێن لگه‌ل كێشيه‌يا من سه‌كنين.
