التخطي إلى المحتوى الرئيسي
بحث هذه المدونة الإلكترونية
ژبه‌ركو ئێزدى نه و كوردن هاريكاريا وان ناكه‌ت
ئێزديخان نيوز:
قايممقامێ شنگالێ راگه‌هاند،ره‌وشا ئاواره‌يێن سه‌رێ چيايێ شنگالێ زۆر خرابه،راسته حكوومه‌تا هه‌رێمێ و ده‌زگه‌هێ خێرخوازيێ بارزانى خۆ لێ كريه خودان،به‌لێ دڤيا حكوومه‌تا عێراقێ ژى خۆ ڤان ئاواره‌يان كربا خودان،به‌لێ ژبه‌ركو ئه‌و ئێزدى و كوردن هاريكاريا وان ناكه‌ت.
(مه‌حما خه‌ليل)قايممقامێ شنگالێ بۆ مالپه‌رێ فه‌رميێ پارتى ديموكراتى كوردستان گۆت: زێده‌ترى 1200 خێزانێن ئاواره‌يێن شنگالێ هه‌ر چاوا بت،ئه‌ڤه ساله‌ك و چار هه‌يڤه ل چيايێ شنگالێ ماينه و ل خيڤه‌تان دا دژين،به‌لێ زڤستانه ره‌وشا وان دێ يا خرابتر بت.
گۆتژى راسته حكوومه‌تا هه‌رێمێ و ده‌زگه‌هێ خێرخوازيێ بارزانى خۆ لێ كريه خودان،به‌لێ هه‌تا كه‌مپه‌ك بۆ وان نه‌ئێته ڤه‌كرن ئه‌و ته‌نا نابن،چاڤه‌رێ نه شنگال ژ پاشماوێن داعشێ بێته پاقژكرن،دبت پێدڤى ب كه‌مپێ ژى نه‌ئێته كرن و بزڤرنه سه‌ر مالێن خۆ.
خه‌ليل ئه‌و چه‌نده ژى گۆت:دڤێت حكوومه‌تا عێراقێ خه‌مێ ل ڤان ئاواره‌يان بخۆت،دياره ژبه‌ركو ئه‌و ئێزدى و كوردن هاريكاريا وان ناكه‌ت.
