وەکیلێ میرێ ئێزدیان: بەغدا پشتەڤانیا زڤرینا ئاوارێن شنگال ناکەت
وەکیلێ میرێ ئێزدیان: بەغدا پشتەڤانیا زڤرینا ئاوارێن شنگال ناکەت
وەکیلێ میرێ ئێزدیان دیارکر کو، حکوومەتا عێراقێ گرنگی ب دوسیەیا ئاوارێن شنگال نادەت، خەلکێ ئێزدی دناڤ کەمپاندا بیزاربووینە و نەشێن ڤەگەرنە سەر مال و مولکێن خۆ.
میر جەھوەر عەلی بەگ، وەکیلێ میرێ ئێزدیان بۆ کاروبارێن پەیوەندیان، ب (باسنیوز) راگەیاند، حکومەتا عێراقی خەمساری دوسیەیا زڤرینا ئاوارێن شنگال دا دکەت، ب کریار پشتەڤانیا زڤرینا ئاوارێن شنگال ناکەت، ئەڤ شەش سالن خەلکێ شنگال مال و مولکێ خۆ بجە ھێلاینە ھەتا نۆکە ژی نەشێن بچن سەر جھێن خۆ.
میر جەهوەر عەلی بەگ هەروسا راگەیاند، حکوومەتا عێراقێ نەشیایە تەناھی ل شنگال دابین بکەت و ئەڤ بوویە ئەگەر خەلک بیزار بیت و دبە ئەو خەلک ڤەگەرنە سەر جھێن خۆ و دەلیڤێن کارکرنێ بۆ خەلکێ بھێنە دابینکرن.
وەکیلێ میرێ ئێزدیان بۆ کاروبارێن پەیوەندیان راگەیاند ژی، دڤان رۆژاندا چەند حالەتێن خۆکوشتنێ چێ بوون، ھەموو ژی گەنج بووینە، ھەکە شوول ھەبیت و رەوشا خەلکێ یا باش بیت، بێگومان خۆکوشتن دێ نەبیت یان دێ زۆر کێم بیت، لەورا دخوازێن تەناھی ل شنگال دروست بیت و دەلیڤین کارکرنێ بۆ گەنجان ھەبن.
زێدەتر گۆت، ھێڤیدارین رێکەفتنا ناڤبەرا ھەرێما کوردستانێ و عێراقیدا بۆ ئاساییکرنا رەوشا شنگال بجە بھێت، چونکو بێ ئومێدیەکا مەزن دەڤ خەلکێ چێ بوویە تایبەتی ژی گەنجان کو ئەڤە شەش سالن دبینن یێ ل زڤستانێدا ل بەر سەرمایێ و ل ھاڤینی ژی ل بەر گەرمێ ژیانا خۆ دبورینن و نە شێن ڤەگەرن.
تعليقات