سه‌رۆك نێچيرڤان بارزانى جه‌ژنا ڕۆژيێن ئێزى پيرۆز دكه‌ت
سه‌رۆك نێچيرڤان بارزانى جه‌ژنا ڕۆژيێن ئێزى پيرۆز دكه‌ت
جه‌ژنا ڕۆژى يێن ئێزى، ل ڕێزداران ميرێ ئێزدييان و بابێ شێخ و جڤاتا ڕووحانى و هه‌موو خوشك و برايێن ئێزدى ل كوردستانێ و ل هه‌ر ده‌ره‌كه جيهانێ بن، بتايبه‌تى ژى ل مالبات و كه‌سوكارێن قوربانى يێن ئێزدى يێن ده‌ستێ تيرۆرێ، پيرۆز دكه‌م. هيڤيدارم ئه‌ڤ جه‌ژن و جه‌ژ‌نێن بهێن، ئاراميێ دگه‌ل خۆ بينن و دويماهيا هه‌موو نه‌خۆشيان بن، ژيان و ئاڤه‌دانى ڤه‌گه‌ڕنه وار و جهێن ئێزدييان و هه‌موو ده‌رێن ژبه‌ر شه‌ڕێ تيرۆرێ زيان ديتى و ئاواره‌يێن كه‌مپان ڤه‌گه‌ڕنه سه‌ر مال و گوند و باژاڕێن خۆ يێن ته‌نا و ئاڤه‌دانكرى.
جاره‌كه دى ژى هه‌مى ئێزدييان پشتڕاست دكه‌م كو هندى خوشك و برايه‌كێ مه يێ ئێزدى وندا، ڕه‌ڤاندى و بێسه‌روشوون مابيت، ئه‌م دێ لسه‌ر هه‌‌ولێن خۆ يێن ڕزگاركرن و ڤه‌گه‌ڕاندن و ئه‌شكه‌ره‌كرنا چاره‌نڤيسێ وان به‌رده‌وام بين، هه‌روه‌ها ژى دێ هه‌موو هه‌ولا ده‌ين و به‌رده‌وام دێ كار كه‌ين داكو كولتوورێ پێكڤه‌ژيانێ و هه‌ڤقه‌بوولكرنا پێكهاتێن ئۆلى و نه‌ته‌ويى ل كوردستانێ دپاراستى بن و بێنه فره‌هكرن و كوردستان هه‌ر بمينيت وڵاتێ هه‌موو پێكهاته‌يان.
جه‌ژن پيرۆز بيت و هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
2020/12/17
تعليقات