وەكیلێ میرێ ئێزدیان:لایەنێن دەرەكی فتنێ دناڤ ئێزدیان دا چێدكەن
وەكیلێ میرێ ئێزدیان:لایەنێن دەرەكی فتنێ دناڤ ئێزدیان دا چێدكەن
باسنيوز:
وەكیلێ میرێ ئێزدیان بۆ كارۆبارێن پەیوەندیان دیار كر كو هندەك لایەنێن سیاسی فتنێ ناڤ ئێزدیاندا دروست دكەن. پێدڤیە ئێزدی هوشیاربن ببنە ئێك دەست بۆ ژناڤبرنا هەموو پلانێن نەیاران ب تایبەتی ژی ل شنگال.
میر جەهوەر عەلی بەگ، وەكیلێ میرێ ئێزدیان بۆ كارۆبارێن پەیوەندیان بۆ (باسنیوز) دیار كر كو: "دڤێ قوناغێدا گەلەك گرنگە ئێزدی ببنە ئێك دەست رێ نەدەن لایەنێن دەرەكی ناكۆكیێ مەزن ناڤ ئێزدیاندا دروست بكەن و فتنێ چێ كەن، چونكو راستی ژی نۆكە ئێزدی رەوشەكا نەباش دانە ب تایبەتی ژی ل قەزا شنگال. پێدڤییە هەموو دگەل ئێك كاربكەن بۆ دابینكرنا تەناهی و خزمەتگوزاریان و باشكرنا رەوشا خەلكێ شنگال. ئەو لایەنێن دەرەكی دكەن چوو خزمەتا ئێزدیاتیێ ناكەت، بەلكو تێكدانێ دكەن لەورا داخوازێ ژ هەموو خەلكێ خۆ دكەین هوشیاربن رێ خۆش نەكەن هەتا نەیار بشێن مەرەم وپلانێن خۆ یێن خراب دژی ئێزدیان بجه بینن. هەتا جارەكا دی فەرمانەكێ ب سەر خەلكێ مە بینن".
ئاشكەرا كر كو: "ئەڤە تر ژ شەش سالانە خەلكێ شنگال ئاوارە بووین هەتا ئەڤرۆكە ژی خەلكێ مە دترست نەشێن بزڤرنە سەر مالێن خۆ ژبەر هەبوونا نەكۆكیان ونەبوونا تەناهی وئاڤەدانی ل شنگال نۆكە هەموو خەلكێ شنگال چاڤەرێنە تەناهی وئاڤەدانی ل شنگال پەیدابیت داكو بشێن ڤەگەرن".
تعليقات