هه‌وێن ده‌سته‌سه‌ركرنا وه‌لاتيێن ئێزدى ژبال ميليشيان ڤه دبه‌رده‌وامن
هه‌وێن ده‌سته‌سه‌ركرنا وه‌لاتيێن ئێزدى ژبال ميليشيان ڤه دبه‌رده‌وامن
ئێزديخان نيوز:
ميليشيا "فه‌يلق الشام" هه‌وه‌كا ده‌سته‌سه‌ركرنێ ل گوندێ باسۆڤان يێ ئێزدينشين سه‌ر ب ناحيا شيراوا ئه‌نجام دا و ژماره‌كا وه‌لاتيان ده‌سته‌سه‌ركرن دناڤ دا گه‌نجه‌ك پێشتر راستى هه‌وه‌كا كوشتنێ هات بوو،و تووشى لێدانێ ببوو،پشتى چه‌ند ده‌مژمێران ژبه‌ر خوونبه‌ربوونێ ئازادكرن.
سايتێ عفرين پۆست دياركر:دوهى رۆژا شه‌مبوويێ 5ى كانوونا ئێكێ2020ێ چه‌كدارێن ميليشيا فه‌يلق الشام هه‌وه‌كا ده‌سته‌سه‌ركرنێ ل گوندێ باسۆڤان يێ ئێزدينشين سه‌ر ب ناحيا شيراوا ئه‌نجام دا و ژماره‌كا وه‌لاتيێن كورد ده‌سته‌سه‌ركرن ب توهمه‌تا ژياتيا وان بسه‌ر يه‌كينه‌يێن پاراستنا گه‌ل ڤه و ده‌ملده‌ست وه‌لاتيێن ده‌سته‌سه‌ركرى ڤه‌گوهاستنه زيندانا گوندێ ئيسكان ل هه‌مان ناحيێ دا.
هه‌مان سايت ئاماژه‌كر،به‌ريا ماوه‌يه‌كى چه‌كداران ژماره‌كا گه‌نجێن كورد گوندێن باعى و باسۆڤان ل ناحيا شيراوا گرتن و هێشتا چاره‌نڤيسێ وان يێ ديار نينه.
بزاڤێن ده‌ست بسه‌رداگرتنا گوندێ باسۆڤان ژبال چه‌كدارێن ميليشيا فه‌يلق الشام ڤه ب ئه‌گه‌را نه‌چۆنا خه‌لكێ بۆ سه‌ر ئايينێ ئيسلامێ يه،وه‌ك تۆلڤه‌كرن ژ خه‌لكێ چه‌كدارێن ميليشيايێ ماوه بۆ ماوه هه‌وێن ده‌سته‌سه‌ركرنێ دژى وه‌لاتيێن ئێزدى ئه‌نجام دده‌ن،نه‌چار دكه‌ن ژ گوندى ده‌ربكه‌ڤن.
تعليقات