ل شنگال داخوازا نه‌خۆشخانه‌كا تایبه‌ت بۆ كۆرۆنایێ دئێته كرن
ئه‌ڤرۆ نيوز:
رێڤه‌به‌رێ هۆپا بنگه‌هێن ته‌ندروستی ل كه‌رتێ شنگال یێ ساخله‌میێ دیاركركو نوكه ل قه‌زا شنگال چوو جهـ نه‌هاتینه ده‌ست نێشانكرن بۆ چاره‌سه‌ریا نه‌خۆشیێن كورونا هه‌كه هات گومانلیكریه‌ك ژی هه‌بیت ئه‌م نه‌چاردبن ره‌وانه‌ی مووسل بكه‌ین.
به‌ركات حاجو، رێڤه‌به‌رێ هۆپا بنگه‌هێن ته‌ندروستی ل كه‌رتێ شنگال یێ ساخله‌میێ دیاركركو نوكه كه‌رتێ ته‌ندروستی ل شنگال پێدڤی ده‌ستگورك و ماسك وپێدڤین خوه پاراستنێ هه‌یه بۆ ستافێ ته‌ندروستیێ ل شنگال چونكو ستافێ ته‌ندروستیێ ل شنگال به‌رده‌وام پشكنینا وه‌لاتیان دكه‌ن نه‌خاسمه ژی عه‌ره‌بێن ده‌ڤه‌را سنوونێ گه‌له‌ك هاتن وچوونێ دكه‌ن، ئه‌م به‌رده‌وام پشكنینا وان دكه‌ین مه پێدڤی هه‌موو جۆرێن كه‌ره‌سته وئامیرێن خوه پاراستنێ هه‌یه كو ل سه‌ر ده‌مێ تیرۆرستێن داعش كه‌رتی ته‌ندروستیێ ل شنگال هاتیه وێرانكرن نوكه ژی ڤایرۆسی كورونا ل جیهانێ به‌ربه‌لاڤ بوویه ل عێراقی ژی سه‌رهلدایه له‌ورا ئه‌م ل كه‌رتێ شنگال پێدڤی ب هاریكاریا مه‌عنه‌وی و مادی نه بۆ به‌رهه‌نگاریا ڤایرۆسی كورونا.
ئاشكه‌را كركو ئه‌م به‌رده‌وام دووڤچوونا گومانلیكریان دكه‌ین ل سه‌رانسه‌رێ قه‌زا شنگال نه‌خاسمه ناحیا سنوونێ چونكو گه‌له‌ك هاتن وچوون هه‌یه لێ ئه‌م دخوازین جهه‌كێ تایبه‌ت یان نه‌خۆشخانه‌ك ل شنگال هه‌بیت بۆ چاره‌سه‌ریا نه‌خۆشین كورونا هه‌تا نوكه ل شنگال چوو حاله‌ت په‌یدانه‌بووینه لێ پێدڤیه پتر هه‌ڤكاریا مه بهێته كرن.
تعليقات