شه‌ش رۆژه گه‌نجه‌كێ ئێزدى وندابوويه
ئێزديخان نيوز:
ئەڤ بۆ دەمێ شەش رۆژانە گەنجەکی ژ ئێزیدیێت سووریایێ ل وەلاتێ ئەلمانیا وندابوویە و هەر ژ دەما وندا بوونە وی دا خێزانا وی گەنجی دەنگێ خوە دگەهینێ هەموو ئالیەکی لێ هەتا نوهە چ خەبەر ژ خێزانا ویرە نەهاتینە کا چ ب کورێ وان هاتیە و چ ژ چارەنڤیسێ وی دیار نینە.
ئەحمد دەخیل جینارێ وی گەنجێ وندابوویە لدۆر وندا بوونە وی بتایبەتی ژی ئێزیدی۲٤ رە دا دیارکرن، ئەڤ گانجێ وندابووی خەلکێ گوندێ هێژیرێ یە یا سەر ب باژێرێ حەسەکێ ڤە ژ ئێزدیێت سووریایێ لێ د نوهە دا ل باژێرێ هاملن یا وەلاتێ ئەلمانیا وەکو پەنابەر ئاکنجی بوو و ئەڤ بۆ دەمێ شەش رۆژانە وندابوویە و بابێ وی گەنجی لهەر جهەکی دەنگێ کورێ خوە بەلاڤکریا لێ هەتا نوهە چ ژی نەهاتیە زانین و دیڤچوون ل وندابوونا ڤی وی یا بەردەوامە هەتا کو خێزانا وی تشتەکی ژی بزانبن.
بتر گۆت، ئەڤ گەنج یێ تەمەن 18سالیە بناڤێ “عەسام رەفیق کەمال مەجید” هەر ژ 21ی مەها چار ژ سەر کارێ خوە هاتبووە ناڤ مالا خوەڤە لێ بۆ دەمەکی کورت جارەکا دن دەرکەت ب مەرەما مارکێتان داکو تشتنا بۆ خوە بکرێت لێ ژ وی دەمی دا ل خێزانا خوە ڤەنەگەریایە و ئەو چ ژی نزانن
ل تالیێ گۆت، بابێ ڤی گەنجی هەموو ئالیێن بەرپرس ژبەر وندا بوونە کورێ خوە ئاگەهدارکرینە و تایبەتی ژی خوەدانێن مارکێتێن نێزیک و ئەو کامیرێن چاڤدێریێ ژ ئالیێ پۆلیسێن باژێرێ هاملن ڤە هاتینە کۆنترۆلکرن
هەتا کۆ بزانبن ئەڤ گەنج ب کیش ئالی دا چوویە و دگەل کان کەسان بوو لێ ئەڤ شەش رۆژ لسەر وندا بوونە ویرە دەربازبوون و هەتا رۆژا ئێرۆ چ ژ چارەنڤیسێ وی دیار نەبوویە
و هەموو هەول ژ ئالیێ پۆلیسێن باژێرێ هاملن ڤە د بەردەوامن هەتا کو تشتەکی ژ ڤی گەنجی بزانبن.
تعليقات