بتریا رێكخراوان خۆ ژ شنگال ڤەكێشايه
ئێزديخان نيوز:
جێگرێ پارێزگەرێ مووسل بۆ كارۆبارێن رێكخراو و ئاواران دیاركركو گەلەك رێكخراو دەمێ قەستا مووسل دكەن ئەم هەولدەن ئەو رێكخراو بچنە شنگال كاربكەن لێ رێكخراو دبێژن رەوشا شنگال نەخۆشە ئەم نەوێرن بچنە ل شنگال كار بكەین.
عومەر عەلی كەبعو، جێگرێ پارێزگەرێ مووسل بۆ كارۆبارێن رێكخراو و ئاواران بۆ (باسنیوز) دیار كر كو: "هەتا 158 رێكخراو دتۆماركرینە ل پارێزگەها مووسل لێ هەموو بەردەوام كارناكەن گەلەك ژ وان رێكخراوان چووبوونە شنگال لێ دەمێ رەوشا شنگال نەخۆش بووی پتریا رێكخراوان خوە ژ شنگال ڤەكیشان. نۆكە ژی دەمێ رێكخراو قەستا مە دكەن ئەم هەول دەن وان رەوانەی شنگال بكەین لێ رێكخراو دبێژن ئەم نەشێن بچینە شنگال، رەوشا شنگال نەخۆشە نەوێرن بچن كاربكەن. نۆكە ب شێوەیەكێ گشتی هەتا 50% كارێ رێكخراوا كێم بوویە وهەموو كار ناكەن".
خۆیا ژی كركو:" سستی كەفتیە دكارێ رێكخراوان دا ل سەرانسەرێ پارێزگەها مووسل. هەر چەند ئەم بەردەوام هەولدەن رێكخراو قەستا مووسل بكەن لێ ئاستەنگ هەنە بتایبەتی ژی بۆ شنگال ژبەر نەبوونا ئیدارا شەرعی وخرابیا رەوشا شنگال رێكخراو نەشێن بچن كاربكەن".
تعليقات