مالا جڤين يا خێرخوازى يا بێ سه‌ميانان ل شاريا هاته ڤه‌كرن
ئێزديخان نيوز:
مالا جڤين يا خێرخوازى يا بێ سه‌ميانان ل كۆمه‌لگه‌ها شاريا ڤه‌كرن و ده‌ست ب وه‌رگرتنا زارۆكێن ئێتيم كر.
كاوه عيدۆ،به‌رپرسێ رێكخراوا جڤين يا گه‌شه‌پێدانا جڤاكى بۆ مالپه‌رێ (ئێزديخان نيوز) راگه‌هاند:"ب پشته‌ڤانيا به‌رێز "به‌شير كوريه" و پێكۆلێن رێكخراوا جڤين بۆ گه‌شه‌پێدانا جڤاكى و پشتى ته‌مامبوونا پێرابونێن ياسايى و رازه‌مه‌نديا فه‌رمى مالا جڤين يا خێرخوازى يا بێ سه‌مينان ل كۆمه‌لگه‌ها شاريا هاته ڤه‌كرن".
دياركر ژى ده‌ست ب وه‌رگرتنا زارۆكێن ئێتيمێن كچ و كور ژ ته‌مه‌نێ 5هه‌تا 13سالى هاتيه كرن،كو بێ ده‌يك و باب بن يان باب يان ده‌يك نه‌بن يێن ژ ده‌ستێ رێكخراوا تيرۆرستيا داعشێ رزگاربووين.
به‌رپرسێ رێكخراوا جڤين رۆنكر:هه‌موو پێتڤى بۆ پێشوازيكرنا ئێتيمان هاتينه دابينكرن.
تعليقات