ده‌رباره‌ى ئاوارێن شنگالێ نه‌ته‌وه‌یێن ئێكگرتی داخوازه‌كێ ژ هه‌ولێر و به‌غدا دكه‌ت
WAAR-دهۆك:
شاندا نه‌ته‌وه‌یێن ئێكگرتی بۆ ئیراقێ داخواز ژ هه‌ردو حكومه‌تێن هه‌ولێر و به‌غدا كر لدۆر چاره‌كرنا كێشه‌یێن شنگالێ هه‌ماهه‌نگ بن، داكو ئاواره ڤه‌گه‌رنه سه‌ر جهێن خوه.
د به‌یاننامه‌یه‌كێ دا شاندا نه‌ته‌وه‌یێن ئێكگرتی بۆ ئیراقێ یۆنامی ئاشكه‌را كر: جینین هینیس بلاسخارت نوونه‌را تایبه‌ت یا ئه‌میندارێ گشتی یێ نه‌ته‌وه‌یێن ئێكگرتی ل ئیراقێ ئه‌ڤرۆ سه‌ره‌دانا هه‌ردو پارێزگه‌هێن نه‌ینه‌وا و دهۆكێ كر و ل كه‌مپا حه‌سه‌ن شام هایداری گله و گازنده‌یێن ئاواره‌یان بوو.
شاندا نه‌ته‌وه‌یێن ئێكگرتی داخواز ژ هه‌ردو حكومه‌تێن هه‌ولێر و به‌غدا كر هه‌ماهه‌نگبن ژبۆ چاره‌كرنا كێشه‌یێن شنگالێ بكه‌ن، داكو ئاواره ڤه‌گه‌رنه سه‌ر جهێن خوه.
د به‌یاننامه‌یا یۆنامیێ دا هاتییه ژی: ره‌وشا ئالۆز یا ئه‌منی زێده‌باری هه‌بوونا گرۆپێن چه‌كدار و خالێن وان یێن پشكنینێ و نه‌بوونا خزمه‌تگوزاریێن سه‌ره‌كی، رێگرێن هه‌ره مه‌زنن ل هه‌مبه‌ر ڤه‌نه‌گه‌ریانا ئاواره‌یان.
تعليقات