جه‌بار یاوه‌ر: پێشمه‌رگه دێ چنه ده‌ڤه‌رێن كوردستانی
WAAR-دهۆك:
وه‌زاره‌تا پێشمه‌رگه‌ی راگه‌هاند؛ هێزێن پێشمه‌رگه‌ی دێ چنه ده‌ڤه‌رێن كوردستانی و نها ل گه‌ل سوپایێ ئیراقێ، مژوولی دیاركرنا هێلێن به‌رگریێ نه.
فه‌ریق جه‌بار یاوه‌ر ئه‌میندارێ گشتی یێ وه‌زاره‌تا پێشمه‌رگه‌ی راگه‌هاند؛ پشتی پێكئینانا چه‌ندین لژنه‌یان، وه‌زاره‌تا پێشمه‌رگه‌ی و به‌رگرییا ئیراقێ ده‌ست ب كارێ هه‌ڤپشك كر و ئێكه‌م كارێ وان ژی، رووپیڤا ده‌ڤه‌رێن كوردستانی بوو، دا كو هێلێن پێشییێ بۆ خالێن هه‌ڤپشك بهێن دانان.
گۆت ژی: وه‌زاره‌تێن پێشمه‌رگه‌ی و به‌رگرییا ئیراقێ گه‌هشتینه ئه‌نجامێن باش و نها ل سنۆرێ كفری و خورماتوو كارێ رووپیڤێ دهێته‌كرن و خالێن هه‌ڤپشك دێ هێن دانان.
جه‌بار یاوه‌ری دا زانین ژی: ئه‌و ده‌ڤه‌رێن مه‌ترسییا داعشێ ل سه‌ر یان ژی ئه‌و ده‌ڤه‌رێن گه‌له‌ك هێزێن ئیراقی لێ، دێ ژێ هێن ڤه‌كێشان و خالێن هه‌ڤپشك لێ هێنه دانان.
تعليقات