گرۆپێن چەكدار بۆ ئازادكرنا ئێزدیێن عەفرینێ داخوازا 70 ھه‌زار دۆلاران دكەن
باسنيوز:
بەرپرسێ رێكخراوا جڤین یاگرنگیدان ب كەیسا ئیزدیێن سوریا دیار كر: "ل عەفرینێ گەلەك وەلاتیێن ئێزدی ژلایێ گرۆپێن توندرەو ڤە هاتینە رەڤاندن، بۆ ئازادكرنا وان ژی گرۆپێن توندرەو داخوازا كوژمێ پێنچ هەتا حەفت دەفتەرێن دۆلاری دكەن.
كاوە عەیدۆ بەرپرسێ رێكخراوا جڤین یاگرنگیدان ب كەیسا ئێزدیێن سوریا بۆ (باسنیوز) دیار كر: "هەتا 70 حالەتێن رەڤاندنا ئێزدیان ل باژێرێ عەفرینێ سوریا پەیدابووینە. ئەڤ ژمارا وەلاتیان ژلایێ گرۆپێن توندرەو یێن هاتینە رەڤاندن بۆ ئازادكرنا وان ژی داخوازا پارە ژ خێزانێن وان دهێتە كرن. هندەك كەس ب پێنچ دەفتەر دۆلار و هندەك كەس ب حەفت دەفتەر دۆلار دهێنە ئازادكرن ژلایێ گرۆپێن توند رەو ڤە. هەر دەمێ دزانن خێزانەكا ئێزدی یە ئێكسەر بێزاریا وان دكەن بتایبەتی ژی هەكە كچ وژن دگەلدا بن".
خویا ژی كر: "ئەو ئێزدیێن ماینە سەر مالێن خوە ل عەفرینێ و گوندێن سەر عەفرینێ ڤە، تووشی رەوشەكا گەلەك خراب بووینە. هەتا نۆكە 115 خێزان یێن ژ سوریا هاتینە هەرێما كوردستانێ ئاكنجیی بووینە. هەكە رێك هەبن دێ هەموو ئێزدیێن عەفرینێ قەستا هەرێما كوردستانێ كەن".
تعليقات