پارێزگه‌ها دهۆكێ سالڤه‌گه‌را 4ێ یا كۆمكوژيا شنگالێ ساخكر
WAAR-دهۆك:
د سالڤه‌گه‌را چارێ یا كاره‌ساتا شنگالێ دا، ئه‌ڤرۆ ل پارێزگه‌ها دهۆكێ رێوه‌سمه‌ك ژبۆ بیرئانینا وێ یادا دلته‌زین هات كرن، وه‌زیرێ شه‌هید ئه‌نفالكرییان، كونسلێن ژاپۆن، ئوردن و ئه‌مریكا ژی به‌رهه‌ڤبوون.
ئه‌ڤرۆ ل هۆلا كۆنفرانسان ل پارێزگه‌ها دهۆكێ، رێوره‌سمه‌كێ به‌رفره‌هـ ژبۆ ساخكرنا سالڤه‌گه‌را چارێ یا كاره‌ساتا شنگالێ ب سپۆنسه‌رییا كه‌نالێ وار هات رێكخستن، د رێوره‌سمان دا، هه‌ر یه‌ك ژ وه‌زیرێن كاروبارێن شه‌هید و ئه‌نفالكرییان، شاره‌وانی، هه‌روه‌ها كونسلێن وه‌لاتێن ژاپۆنێ، ئوردن و ویلایه‌تێن ئێكگرتیێن ئه‌مریكا به‌رهه‌ڤ بوون.
به‌هزاد عه‌لی ئاده‌م پارێزگه‌رێ دهۆكێ ب وه‌كاله‌ت د گۆتاره‌كێ دا، به‌حسا ده‌رده‌سه‌ریێن ئاواره‌یێن شنگالێ كر و ژ حكومتا فیدرال خواست كار ژبۆ پارێزگه‌هبوونا شنگالێ بكه‌ت.
رێوره‌سما بیرئانینا سالڤه‌گه‌را چارێ یا شنگالێ، چه‌ندین برگه و ته‌وه‌ر تێدابوون ژ وان، سروودا ئۆلی یا شه‌رفه‌ددین، نیشاندانا دیمه‌نێن شنگالێ ل بن ناڤێ شنگال ناكه‌ڤیت و هه‌روه فلمه‌كێ دیكیۆمێنتاری ل دۆر كاره‌ساتا سێی ته‌باخێ.
تعليقات