کوتا بۆ کوردێن ئێزدی ل باژێرێ دهۆکا داسنیا وەک زەرورەتەك/نایف رشو

کوتا بۆ کوردێن ئێزدی ل باژێرێ دهۆکا داسنیا وەک زەرورەتەك

نایف رشو/رەوشەنبیر و سیاسەتمەدار

کوردێن ئێزدی ب درێژایا مێژوویێ توشی و74فەرمانا هاتینە،هەتا نۆکە ئۆل و زمانێ خۆ یێ کوردی پاراستینە و ب دەها داستان تۆمارکرینە وەک داستانا دەروێشێ عه‌بدی و داستنا نەواخا براهیم پاشا هەتا ئیرۆ و بەشداری ل هەموو شۆرەشێن کوردى دا کرینە شۆرەشێن بارزان و شۆرەشا ئەیلولێ و گولانێ و سەرهەلدانا بەهارا1991ێ،کوردێن ئێزدی وەک پێکهاتەکا گرنگ ل هەرێما کوردستانێ کو تایبەتمەندیا خۆ یا ئایینی هەیە زۆر جارا تووشی شالاوێن دوژمنا هاتیە ژبەرکو دزانن ئێزدی و ئێزدیاتی بنگەها کوردستانێ نە و ئێک ژ ئاينێن هەرە کەڤنارێن کوردستانێ يە ،مە گەلەک دخواست کو مافێ مە کوردێن ئێزدی جودا نەبن ژ کوردیاتیێ بەلێ پشتێ تاقيكرنا چەند سالا هەر بۆ نموونە:

1-ل سالا2010ێ کاندیدێ ژمارە ئێك فەرج میرزا نكارى بگەهتە پەرلەمانێ عێراقێ سەر ب پارێزگەها دهۆکێ.

2-ل ڤان هەلبژارتنێن داويێ پشتی راگەهاندنا ئەنجاما کاندیدا ژمارە 13 رۆناک عه‌لی ئێزدین پشتێ هەموو هەول هاتینە دان کۆ ئەڤ کاندیدە سەرکەڤت بۆ نوونەراتیا دهۆکێ وەک پێکهاتا ئێزدی د لیستا کوردستانێ دا بەلێ مخابن سەرنەکەفت.2013ێ هەلبژاتنێن کوردستانێ کاندیدێ ئێزدی شێخ شامۆ سەرنەکەڤت پشتی ماوێ جەند هەیڤا ڤەکێشانا بەرێز نوری حەمەعەلی دەرفەت بۆ شێخ شامۆ هات بگەهتە پەرلەمانى ،لەوما ئەم ب فەردزانین داخوازا کوتایێ بکەین بۆ کوردێن ئێزدی ل پارێزگەها دهۆکێ:- 1- داخوازا کوتایێ بۆ کوردێن ئێزدی ل دهۆکێ دکەین بۆ پەرلەمانێ بەغدایێ داکو نوونەریا وان هەموو ئێزدیێن سەرب دهۆکێ ڤە بکەن کو رێژا وان پترە ل60هەزارا و نێزیکى28هەزار دەنگدەراهەیە،داکو وەک پێکهات نوونەرێ خۆ هەبت هەروەک چاوا بۆ برايێن مەسیحی کوتا هەیە ل دهۆک و هەولێر و مووسل و هەروەسا کوردێن فەیلی ل بەغدایێ و ل کوت.

 2-ل پەرلەمانێ کوردستانێ وەک هون هەموو دزانن ل هەلبژارتنێن سالا1993ێ کوردێن ئێزدی2کورسی هەبوون میر خێری بەگ و عیدو باباشێخ ل 2015ێ کوردێن ئێزدی3کورسێ هەبوون پیر خدر سلێمان و عه‌زیر باقەسری ، میرم حه‌سه‌ن ل 2013ێ وەک مە دیارکری شێخ شامۆسەرنەکەفت.وەسا دیارە کوهەلبژارتێن په‌رله‌مانێ كوردستانێ ل 30/9/2018ێ بێن ئەنجام دان و مەترسی زۆر هەیە پشتی چەند ئەزموونا مە بۆ هەوەێن بەرێز دیارکرین،هەکە بێن دەنگێن کوردێن ئێزدی ل دهۆکێ کو قەبارا وان هەمبەر دەنگێن برایێن مەسیحیا و براێن تورکمانا کو10کورسێ هەنە دگەل کورسیا براین ئەرمەن دەنگێ ئێزدیا پترن ژ دەنگێ وان و ب کوتا ژنان ژی کوردەک ئێزدی نكارت کورسیەکێ بدەستڤە بینن هەموو جارا دبێژین نابت زۆرینە و کەمینە ل عێراقێ هەبت دڤێت وەک پێکهاتە بت ،لەوما کوردێن ئێزدی وەک پێکهاتە نە وەک رێژە سەرەدەری دگەل بێتە کرن چێکرنا کوتا و هەموارکرنا یاسایا هەلبژارتنا ل کوردستانێ و5کورسی بۆ کوردێن ئێزدی بۆ دابینکرنا مافێ وان ل حکومەتا هەرێما کوردستانێ بنبرکرنا کێشەیا وان دباوەریا من دا 70%کێشێن ئێزدیا دێ ئێنە چارەسەرکرن ،زۆر مەترسی هەنە هەلبژارتنێن پارێزگەها دهۆکێ کو بریارە ل30/9/2018 بێن ئەنجام دان پێکهاتا رەسەن ژ نوونەراتیێ بێ بەهر بت نموونە ئەو تاقيكرنێن پێش مە بۆ هەویێن بەرێز دیارکرین لەوما ئەم داخوازدکەین 3کورسی بۆ پێکهاتا ئێزدی وەک پێکهاتەکا ئایینی دکەین داکو ل حکومەتا خۆجهى هەموو ئەو کێشە بێن چارەسەرکرن هەر بۆ نموونە هەکە کوتا هاتە چێکرن دێ د رێيا کوتایێ هەموو ئەوماف و پۆستێن هەتا نۆکە هاتینە خوارن دێ ئەم گەهینە هەموو مافێت خۆ یێن سروشتی د کوردستانێ دا و نۆکە هندەک ژ وان مافان هاتیە خوارن ل کوردستانێ ب تایبەت:- 

1-پۆستی وەزیری ل حکومەتا کوردستانێ.

 2- بریکارێ وەزیری.

 3-رێڤەبەرێن گشتی ل حکومەتا هەرێمێ

 4-نوونەراتیا هەرێمێ ل دەرڤە.

 5-لەشکەری پلێت لیوا و ئاسایش پلێت لیوا هەتا نۆکە یەک پلە لیوای دناڤ ڤی پێکهاتى دا نینە.

 6-ل حکومەتا خۆجهى يا دهۆک چەند رێڤه‌به‌رێن گشتی رێڤه‌به‌رێ ناوچه‌داريا...هتد باوەڕیا من هەکە ئەڤ خال و تێبینیێن من دەست نيشانکرین ب گرنگ بێنە وەرگرتن دێ گەلەک ئێش و ئازار و گرفتێن ڤى پێکهاتى ئێنە چارەسەرکرن.