هەوەكا مەزنا كۆمكرنا هاریكاریان بۆ ئاوارێن ئێزیدی دێ ل كوردستانێ دەست پێ كەت
ئێزیدخان نیوز:
ل سەرانسەری دەڤەرێن ئێزیدیان هەوەكا مەزن بۆ كۆمكرنا هاریكاریان بۆ ئاوارە و پەنابەرێن ئێزیدی ل رۆژئاڤایێ كوردستانێ و وەلاتێ لوبنانێ دێ دەست پێ كەت.
كاوا عیدۆ خەتاری،بەرپرسێ رێكخراوا جڤین یا گەشەپێدانا جڤاكی بۆ مالپەرێ(ئێزیدخان نیوز)راگەهاند:"ژ ئەگەرێ ململانێ و شەری ل سووریا چەندین خێزانێن ئێزیدی نەچاربوون ئاوارەی وەلاتێ لوبنانێ ببن و نهۆ درەوشەكا گەلەك ب زەحمەت دا دژین و پێدڤی هاریكاریانە،لپەی گۆتنا وان ئەڤە ماوێ سێ سالانە وان مامەلێن خۆ پێشكێشی(UNHCR)رێكخراوا نەتەوەیێن ئێكگرتی كریە و هەتا نهۆ بەرسڤا داخوازیێن وان نەدایە،ئەوان پاسپۆرت نینن و داخوازێ ژ رێكخراوێ كۆچێ دكەن وان بیننە هەرێما كوردستانێ یان ببنە كەنەدا یان وەلاتێن ئەورۆپی".
ئەو چەندە ژی ئاشكەراكر:"پەنابەرێن ئێزیدی ل وەلاتێ لوبنانێ یێ تووشی سڤكاتیێ دبن وهەر كەسێ بزانت ئەو ئێزیدی نە یێ زۆری و زۆرداریێ ل وان دكەن".
خەتاری تەكەزكر:"چەندین گوندێن ئێزیدیان ل باژێرێ عەفرینێ ل رۆژئاڤایێ كوردستانێ هەنە و ژبەر هێرشا سوپایێ توركیا و گرۆپێن رادیكالی بۆ سەر باژێری هاتینە وێرانكرن و خێزانێن ئێزیدی نەچاربووینە گوندێن خۆ چۆل بكەن و ئاوارەببن و مال و مولكێ وان هاتیە برن ژلایێ گرۆپێن توندرەوێن ئیسلامی ڤە ".
بەرپرسێ رێكخراوێ ئەو چەندە ژی ئاشكەراكر:" ل سەرانسەری دەڤەرێن ئێزیدیان ل هەرێما كوردستانێ هەوەكا مەزن بۆ كۆمكرنا هاریكاریان بۆ ئاوارە و پەنابەرێن ئێزیدی ل رۆژئاڤایێ كوردستانێ و وەلاتێ لوبنانێ دێ دەست پێ كەین،ژبەركو ئەو پێدڤی ب هاریكاریێن بلەزن و درەوشەكا ب زەحمەت دا ژیانا خۆ دبۆرینن".
تعليقات