"پەنابەرێن ئێزیدی ل وەلاتێ لوبنانێ درەوشەكا ب زەحمەت دا دژین"
ئێزیدخان نیوز:
خێزانێن پەنابەرێن ئێزیدی یێن ژبەر شەری ژ سووریا ئاوارەی وەلاتێ لوبنانێ بووین،نهۆ درەوشەكا ب زەحمەت دا دژین.
كاوا خەتاری،بەرپرسێ رێكخراوا جڤین بۆ گەشەپێدانا جڤاكی راگەهاند:"وەك رێكخراو سەرەدانا خێزانێن ئێزیدی یێن ژ سووریا ئاوارەی وەلاتێ لوبنانێ بووین كر و هایداری رەوشا وان بووین و درەوشەكا راستە زەحمەت دان و دەمێ رەڤین ژبەر جیهادیێن ئیسلامی وان بەلگەنامێن خۆ ژ دەست داینە،رەوشا وان یا ئابووری ژی گەلەك یا ب زەحمەتە".
خەتاری ئەو چەندە ژی دایە دیاركرن پەنابەرێن ئێزیدی بۆمە دووپاتكرن چوو جیێن دەولەتی یان ناڤخۆیی نینن پشتەڤانیا مادی پێشكێشی وان بكەن ژدەمێ ئاوارەبووین ژ سووریا بۆ لوبنانێ،پشتی رووبەرووبوونێن سەربازی یێن چێبووین دناڤبەرا گرۆپێن چەكدار دا ل وێدەرێ.
بەرپرسێ رێكخراوا جڤین رۆنكرژی نەتەوەیێن ئێكگرتی ل لوبنانێ ژڤان دایە ڤان پەنابەرێن ئێزیدی و لپەی گۆتنا پەنابەران ئەڤە ماوێ سێ سالانە وان مامەلێن خۆ پێشكێشی(UNHCR)رێكخراوا نەتەوەیێن ئێكگرتی كریە و هەتا نهۆ بەرسڤا داخوازیێن وان نەدایە.
خەتاری ئاماژەكریە داخوازێ ژ نەتەوەیێن ئێكگرتی دكەین ڤان پەنابەرێن ئێزیدی بێختە دبەرنامێ كۆچكرنێ دا بۆ كەنەدا و ئەورۆپا.
تعليقات