ژبەر نەدانا كریا قوتابیان په‌روه‌ردا مووسلێ قوتابخانەكا قوتابیێن شنگال و زوومار ل دهۆكێ داخست
ئێزیدخان نیوز:باسم قاسم شنگالی
قوتابخانا ئامادەیا پەرستاری یا زمانێ ئەرەبی سەر ب رێڤەبەریا گشتی یا په‌روه‌ردا پارێزگەها مووسلێ ڤەیە، دەوام و پشكێن نافخۆیی یێن كچان و جیێ وێ ل ئوتێلا شندۆخا ل پارێزگەها دهۆكێ یە،كو پتری(200)قوتابیێن شنگال و زوومار ل قوتابخانێ دخوونن،ل هەفتیا بۆری هاتیە داخستن و هەتا نهۆ نەهاتیە ڤەكرن.
دڤی واری دا چالاكڤانێ مەدەنی"ریاز ئەلسەعداوی" بۆ مالپەرێ (ئێزیدخان نیوز)ئاشكەراكر:"ئەڤە پتر ژ هەفتیەكێ یە و هەتا نهۆ ئامادەیا پەرستاری یا زمانێ ئەرەبی سەر ب رێڤەبەریا گشتی یا پارێزگەها مووسلێ ڤە كو ل ئوتێلا شندۆخا ل باژێرێ دهۆكێ دەوام لێ دئێتە كرن و و پشكێن نافخۆیی یێن كچان ژی هەر ل وێدەرێ نە،ژبەر نەدانا كریا قوتابیان یا ئوتێلێ ژلایێ پەروەردێ ڤە هاتیە داخستن و نهۆ قوتابی دمالێن خۆ دانە و چاڤەرێ نە كریا جیێ لێ ئاكنجی بێتە دان داكو جارەكا دی ڤەگەرنە قوتابخانێ و دەست بخووندنا خۆ بكەن".
گۆتژی پتر ژ(200)قوتابیێن كچ یێن قەزا شنگال و زومار دڤێ قۆتابخانێ دا دخوونن و ئەڤە سالا وان یا داویێ یە.
.
تعليقات