خەلكێ گوندێ خەتارێ كۆمەلەكا خێرخوازی ل ئەلمانیا دامەزراند
ئێزیدخان نیوز:
ئیرۆ ئێك شەمبوویێ 21/1/2018،كۆمەلا خەتارێ یا خێرخوازی ل باژێرێ ئولدنبورك ل وەلاتێ ئەلمانیا هاتە دامەزراندن.
ڤەكۆلەر"داود موراد خەتاری"دراگەهاندنەكێ دا دیاركر:"ئیرۆ خەلكێ گوندێ خەتارێ یێن ئاكنجی ل باژێرێ ئولدنبورك روونشتنەك ل هۆلا باژێری سازكر،دروونشتنێ دا رێككەفتن لسەر دامەزراندنا كۆمەلا خەتارێ یا خێرخوازی ل باژێری و دەردۆران،پێخەمەت پشتەڤانیكرنا قوتابیێن شنگال ل زانكۆیا مووسل و چەند حالەتێن پێدڤی هاریكاریێ".
ل دەستپێكا روونشتنێ"خێری دەرمان"بخێرهاتنا ئامادەبوویان كر و لسەر ئارمانجێن كۆمەلێ ئاخڤی و چاوانیا پشكداریكرنێ تێدا پێخەمەت پشتەڤانیكرنا پرۆسا پەروەردێ بۆ قوتابیێن كێم دەرامەت.
هەروەسا خەتاری دیاركر:"لسەر ئارمانجێن دامەزراندنا كۆمەلێن خێرخوازی ئەو ئاخڤی و پاش ئامادەبوویان بۆچۆن و پێشنیارێن خۆ پێشكێشكرن و داخواز ژ خێرخوازان كر هەڤكار و هاریكار بن و هاریكاریێن مادی یێن(48)خێزانان هاتنە كۆمكرن".
ئەو چەندە ژی خویاكر:"ل داویا روونشتنێ دەستەكا كارگێری بۆ كۆمەلێ هاتە هەلبژارتن".
تعليقات