مزگينيه‌كا خۆش بۆ ئێزيديان
دهۆک-KDP.info-
بەرپرسی نووسینگەی رفێنراوانی کوردانی ئێزدی لە پارێزگایی دهۆک رایگەیاند، ئەمڕۆ چوارشەممە (١٣-١٢-٢٠١٧)، ٧ کەسی دیکە لە کوردانی ئێزدی رزگار کران.
(حوسێن قائیدی) بە ماڵپەری فەرمیی پارتی دیموکراتی کوردستان گوت: ''بە هەوڵی نووسینگەکەمان و هێزە ئەمنییەکان توانیمان ٧ کەسی دیکەی کوردانی ئێزدی لە چنگ چەکدارانی داعش رزگار بکەین، کە بۆ ماوەی زیاتر لە ٣ ساڵ بوون لە دەستی ئەو رێکخراوە تیرۆرییەدا بوون.''
وەک (قائیدی) زانیاریی دا، دوو کچ لە تورکیا رزگار کران کە داعش بردبوونیە ئەو وەڵاتە، ٥ـی دیکەش لە سووریا رزگار کران و، دواتر بە کەسوکاریان شاد کرانەوە.
بەگوێرەی دوائاماری رزگاربووان و رفێنراوان، تا ئێستا ٣٢١٩ کەس رزگار کراون و نزیکەی ٣٢٠٠ کەسیش هێشتا ڕزگار نەکراون.
لە (٣-٨-٢٠١٤)، چەکدارانی داعش دەستیان بەسە شنگالدا گرت و زیاتر لە ٦ هەزار کەس رفێنران و ٣٦٠ هەزار کەسیش ئاوارە بوون و زیاتر لە هەزار کەسیش کوژران.
شنگال دەکەوێتە رۆژئاوای شاری مووسل بە ٨٠ کیلۆمەتر و هاوسنوورە لەگەڵ سووریا و دانیشتووانەکەی زیاتر کوردانی ئێزدیینە.
تعليقات