دیندار زێباری:ھەموو مافێن پێکھاتەیێن ھەرێما کوردستانێ د پاراستینە
ئەڤرۆ نیوز:
دچارچوڤێ بەرسڤدان لسەر راپورتەکا ئێک ژ رێکخراوێن ئەمریکی سەرۆکێ جڤاتا بەرسڤدانا راپورتێن نیڤدەولی دیارکر کو ھەموو پێکھاتەیێن ھەرێما کوردستانێ بێی جوداھیا رەگەزی و ئایدولوجی پشکدارن.
ئەڤرۆ رۆژا پێنجشەمبی د کونگرەیەکێ رۆژنامەڤانی دا دیندار زێباری سەرۆکێ جڤاتا بەرسڤدانا راپورتێن نیڤدەولی دبەرسڤا راپورتا کومسیونا حکومەتا ئەمریکی بو ئازادیێن ئاینی دا دیارکر کو ھەرێما کوردستانێ پێشوازیا راپورتێن بڤی رەنگی دکەت و گۆت: ( ھەڤکاری و پشتەڤانیا ھەموو پێکھاتەیێن ئاینی و نەتەوەیی ل ھەرێما کوردستانێ و رولێ دادگەھان و سەروەریا قانونێ بەرامبەر ھەموو پێھاتەیان و پشتەڤانیکرن ل ناسناما ئەوان ب تایبەتی ل دەڤەرێن تازە ئازادکری و ھەموو پێکھاتەیێن کوردستانێ بێی جوداھی پشکدارن دھەموو سکتەرێن سیاسی و رێڤەبرنێ دا ، ئەم پشتەڤانیا ئەڤێ راپورتێ دکەین کو ب تێرتەسە بەحس ل ماف و ئازادیێن ھەموو پێکھاتەیێن کوردستانێ ھاتیەکرن کو ھەمبەری دەڤەرێن دن رەوشا وان باشترە و ئەوان پێکھاتەیان ژی ھەرێما کوردستانێ وەکو جھەکێ ئارام دیتیە ب تایبەتی کریستیان و ئێزدی و شیعە و شەبەک و زەردەستی و سابیئی و مەندانیان).
زێدەتر گۆت: ( ھەموو مافێن پێکھاتەیێن ھەرێما کوردستانێ د پاراستینە و روژ بو روژێ بەر ب باشتر ڤە دچیت و د دەستوری ژی دا وەکو ئێک ژ پێکھاتەیێن رەسەن ھاتینە دانان ).
زێباری د درێژاھیا ئاخفتنێن خودا دیارکر ژی کوە ێزێن پێشمەرگەی چوو دەڤەرێن چویە تێدا تێکنەداینە ب تایبەتی دەڤەرێن شەبەکان و گۆت ژی: ( نھا حەشد شەعبی بویە جھی َمەترسیێ بو ھندەک ژ وان دەڤەرێن کو ئەوان کونترولکری ، و چوو رێگری ل تی ئێن تی و کەلوپەلان نەھاتیەکرن کو بچنە میسل و بەلکو بتنێ رێگری ل وان کەلوپەلان ھاتیەکرن کو د دروستکرنا تی ئێن تیان دھێنە بکارئینان ، بەلێ نھا ب رەنگەک ئازاد رێک ب کەلوپەلێن بیناسازی و پەزی ھاتیەدان کو بچیتە میسل).
تعليقات