دهۆك: د هه‌وه‌كێ دا (100) زارۆكێن ئێزدی هاتنه سونه‌تكرن
پارێزگه‌ها دهۆك:
بوردێ كاروبارێن مروڤایه‌تی (BRHA) ب هه‌ڤكاری دگه‌ل رێڤه‌به‌ریا كاروبارێن ئێزدیان ئه‌ڤرو سپێدێ 8-8-2017 ل كه‌مپێن كه‌به‌رتو (1و2) وب ئاماده‌بونا به‌رێز اسماعیل محمد احمد هاریكارێ پارێزگه‌رێ دهوكێ بو كاروبارێن مروڤایه‌تی وچه‌ند به‌رسێن میری وخێزانێن ئاواره هه‌وه‌كا سونه‌تكرنێ بو (100) زاروكێن برایێن ئێزدی ئه‌نجامدا.
درێ ورسمێن ئه‌نجامدانا هه‌وێ دا هاریكارێ پارێزگه‌رێ دهوكێ بو كاروبارێن مروڤایه‌تی په‌یڤه‌ك پێشكێشكر تێدا سوپاسیا هه‌موو لایه‌نان كر یێن ب ئه‌نجامدانا هه‌وێ رابوین تایبه‌تی بوردێ بورها ورێڤه‌به‌ریا كاروبارێن ئێزدیان وته‌ندورستیا دهوكێ وگوت: ئه‌نجامدان ڤان جوره چالاكییان نیشانا وێ یه‌كێ یه كو پارێزگه‌ها دهوكێ گرنگییه‌كا تایبه‌ت دده‌ته ئاواره وپه‌نابه‌ران لناڤ وده‌رڤه‌ی كه‌مپان وگوت: ئه‌ڤ هه‌وه ب پشته‌ڤانیا پارێزگه‌رێ دهوكێ دهێته ئه‌نجامدان ودێ لناڤ كه‌مپێن دی ژی یا به‌رده‌وامبیت.
اسماعیل محمد هاریكارێ پارێزگه‌رێ دهوكێ بو كاروبارێن مروڤایه‌تی ئه‌و یه‌ك ژی دیاركر كو نوكه پترژ 700هزار ئاواره وپه‌نابه‌ران لناڤ وده‌ڤه‌ری 27كه‌مپا ل سنورێ پارێزگه‌ها دهوكێ ژیانا خو ده‌ربازدكه‌ن وژده‌ست پێكا هاتنا ئاواره‌یان پتر ژ(24) هزار زاروك ژدایكبوینه وئه‌وا دشیان دابیت دێ بو برایێن ئاواره هێته كرن وپیروزباهی ل مالباتێن زاروكێن سونه‌تكری كر وژییه‌كێ درێژ بو خواست .
پاش په‌یڤێن رێڤه‌به‌ریا كاروبارێن ئێزدیان وئاینێ ئێزدیان هاتنه خاندن وسوپاسیا پارێزگه‌ها دهوكێ وهه‌موولایه‌نان كر كو ئه‌ڤ هه‌وه ئه‌نجامدای .
پاش ده‌ست ب هه‌وێ هاته كرن ودیاریێن پارێزگه‌ها دهوكێ وبنگه‌هێ لالش ل سه‌ر زاوركێن سونه‌تكری هاتنه به‌لافكرن ، بریاره (100) زاروك دڤێ هه‌وێ دا لناڤ هه‌ردوو كه‌مپان بهێنه سونه‌تكرن وپاش هه‌و لناڤ كه‌مپێن دن ژی بهێته ئه‌نجامدان.
تعليقات