چارەنڤیسێ ئێزدییان بەرەڤ کوڤە؟!/کاروان باعەدری
چارەنڤیسێ ئێزدییان بەرەڤ کوڤە؟!/کاروان باعەدری
ئەو ئاینێ داوییا هەفتی و چوار فەرمانا بت، دناڤا توندڕەوترین مرۆڤێن دەروبەردا بیت ئەو ژی عەرەب و گرۆپێن ر توندڕەو دا بیت، زۆرە هەرزۆریا کو ئەو ئێش و ئەلەمێن دناڤ چیایان و دناڤا باژارێن عەرەبێن شۆفینی دا دەرباز کری، بتنێ ژبەرکو ئۆل و نەتەوەیا خوە بجهـ نەهێلاینە بووینە قوربانی ژهەموو تشتی. ژ ئالێێ جیۆپۆلتیکا ئێزدییان ڤە دکارم بێژم نەخۆشتیرین جیۆپۆلتیک د عیراقێ دا بوویە بەهرا ئێزدییان، چونکی ئێزدی مینا قەلغانەکی نە د سینۆری دا، ئەوژی شنگال دکەڤە سەر سنوورێ سوریا و عیراقێ و ناوچەیەکا ستراتیژیە بۆ وەڵاتان کو بکارن ئارمانجێن خوەیێن سیاسی لێ بجهـ بینن، ئەوژی وەک نها مەزنترین بەلگەیە کو هەبوونا هێزین سیاسی یێن کوردی ل سەر ئاخ و رووبەر و روونشتڤانێن شنگالێ دکەنە شەڕ و هەیا نها ناکۆکی دناڤخودا هەنە، ئەوژی ژبەرکوو هەبوونا دەنگدەرێن شنگاڵ بالانسا سیاسیا لایەنێن سیاسی دگوهریت د بریارێن سیاسی دا، و ژلایەکی دی ڤە ژی ئێزدیی ل هەر ژ شنگال هەتا دگەهیە دەشتا نەینەوا و تا باشیک و بەحزان ژی بەشەکن مینا قەڵغانەک دناڤبەرا هەرێما کوردستانێ و عیراقێ دا هەلاویسی مابوون، و ژبۆ دوژمنان ژی زووی ب زووی دکەڤتنە د پلانێن واندا.
ئێزدی ل گۆری ئامارا نە فەرمیی پتری ٧٠٠ هەزار کەسی نە ل عیراقێ و هەرێما کوردستانێ و پتری ٩٠% دکەڤنە ناوچەیێن کوردستانی یێن ژ دەرڤەی ئیدارەیا هەرێمی، د بارەکی ئابووری نەیی باش دانە، ژبلی کوو کارتێکرنێن ئابووریا نەباش، ئێزدیی رۆژانە بەرەڤ ئەوروپا دچن کو نها ئێزدیخان بەرەڤ ڤالابوون ژ کەسا دچیت، ورۆژانە و رۆژانە خەلک دچن، گەلۆ ل ڤێدەرێ ئێزدیی کو کوردستان جهێ وان یێ رەسنە و مەزنترین و پیرۆزترین پەرسگەها وان دکەڤە باکوورێ قەزا شێخان ب ناڤێ (لالش) ، ئەگەر بهێتە بجهـ هێلان ! دێ چارەنڤیسی ئێزدییان مینا چارەنڤیسێ ئێزدیین باکورێ کوردستانێ دووبارە بیت ژبەرکوو ئێزدیێن باکوورێ کوردستانێ ژمارەکا مەزن بوون ژبەر هێرشێن ئۆسمانیان زۆربەیا هەری زۆری کۆچبەری وەڵاتێن ئەوروپی بوون، گەلۆ هەمان سیناریویا ئێزدیێن باکوورێ کوردستانێ دێ ل باشوورێ کوردستانێ ژی دووربارەبیت؟ !! یان ژی ئەگەر ل ڤێرە بمینن چ گرەنتی هەیە بۆ پاراستنا ئێزدییان و هەتا نهۆ ئێزدی ب وەڵاتێین پلە پێنچ و شەش دهێنە هژمارتن و ب کافر تێنە هژمارتن و درەسەندا ئێزدی رەسەنترینن کوردن بێ موزایەدە، ژبەرکوو دیرۆک شاهدە ل سەر ڤێ راستێی، و ئەگەر رەسەنتیا کوردان نەما کەواتە کورد نینن، و هەتا نها ئێزدیی ژ هەر تشتی د بێ بەهرن ژ هەموو حزبان ڤە بێی جیاوازی، ئێزدیی نها دناڤبەرا بجهـیلانا وەڵاتی خۆ و فەرمانێن د وەڵاتێ خۆەدا ب دوو دل ماینە، ژبەرکوو ژ ساڵا ٢٠٠٠ێ و هەیا نها دوو فەرمان دیتینە ئەوژی فەرمانا سیبا شیخدرێ و تل عزێرێ و کارەساتا هەری مەزن یا شنگالێ ئەوا ل ٣/٨/٢٠١٤ێ قەومی.
ئه‌ڤ گۆتار ل رێككه‌فتى 29/6/2017ێ،ل مالپه‌رێ ئێن ئارتى به‌لاڤ بوويه.
تعليقات