گەنجێن ئێزدی دهشیار بن...كار بۆ پاشەرۆژا ئێزدیان بكن!!!/بەختیار قادر
گەنجێن ئێزدی دهشیار بن...كار بۆ پاشەرۆژا ئێزدیان بكن!!!
بەختیار قادر
ل سەر ئاستێ حكومەتا هەرێما كوردستانێ و نێڤ دەولەتی نۆكە كار بۆ پاشەرۆژا دەڤەرێن ئێزدیان پشتی نەمانا داعش دئێتە كرن ب تایبەت دەڤەرا شنگالێ،لەوا دڤێت گەنجێن ئێزدی دڤێ قۆناغا نازك دا دهشیاربن،چنكو ئەڤە ماوەیەكە نەریتەكێ نە جوان و شارستانی دناڤ گەنجان دایە سەرهەلدایە،ئارمانجا وان بوویە هێرشكرن و شكاندنا كەسایەتیان.
كۆمكوژیا ئێزدیان ل سەر دەستێ رێكخراوا تیرۆرستیا داعشێ ل سەر ئاستێ حەموو جیهانێ گرنگیەك تایبەت پێ هاتیە دان،ژبەر وێ زوولم و ستەما ئێزدی تووشبووینێ بگرە ژ كوشتن و گرتن و تالانكرن و دەربەدەری و پەنابەریێ،لەوا هەر تاكەك و دەزگەهەكێ ئێزدی ل هەرێما كوردستانێ ب تایبەتی حەموو شیانێن خۆ ئێخستینە كار بۆ هندێ دەنگێ ئێزدیان بگەهینن جیهانێ داكو بزانن چ ب سەرێ ڤی مللەتی دا هاتی یە و ئەڤ پێنگاڤەك زۆر باشە كو ئەوا ئێزدی تووشبووینێ ب جینۆساید بێتە ناساندن،دهەمان دەم دا فەرە گەنج و چالاكڤانێن ئێزدی دهشیار بن چنكو ئەڤە ماوەیەكە هندەك ژێ ب تایبەت ل سەر تۆرا جڤاكی یا فەیسبۆكێ رادبن ب هێرشكرن و شكاندنا دەزگەه و كەسایەتیێن ئێزدیان ب بەهانەیا هندێ كو كێم تەرخەمن د دەرهەق رەوشا نۆكە ئێزدی تێرا دەرباز دبن،بەلێ دڤێت زۆر ب هشیاری سەرەدەریێ لگەل رەوشا نۆكە دا بكەن،ژبەركو هێشتا پتر ژ سێ هەزار گرتییان د دەستێن داعش دانە و هەڤركی ل شنگالێ چێبووینە و ب هەزارەهان ئاوارەنە.
كارەك جوانە دەما گەنجێن ئێزدی ئاشكەرا دكەن كو رزگاربوویەك یان نەخۆشەك یان هەژارەك یا قوتابی پێتڤی هاریكاریێ نە ئەڤ چەندە بەردەوامە و هەر ئێكسەر جهێن شۆلەژێ یێن ئێزدیان خۆ لێ كرینە خودان،دەما دئێن ئاگەهدار كرن،لەورا فەرە گەنج و چالاكڤانێن مە ل سەر تۆرێن جڤاكی ل جهێ هێرشی كەسەك یان جهەكێ ئێزدیان بكەن وان بۆچۆنێن خۆ یێن دەربارەی بابەتەكی ددەن دیاركرن بكەن یاداشتنامەیەك فەرمی و پێشكێش بكەن.
بەختیار قادر
تعليقات