ئێكەمین ئێزدی و عێراقی دبەریكانا شاهجوانیێ دا ل هۆلەندا ب سەركەفت
ئێزدیخان نیوز:
ل رێككەفتی 20/5/2017ێ،بەریكانا شاهجوانیێ ل وەلاتێ هۆلەندا ب داوی هات كو شاهجوانێ ئێزدی" وەهاب حەسو"ئێكەمین عێراقی بوو تێدا پشكدار،كاری ب سێ مەدالیێن گرنگ سەركەفت و ئێك ژ دەهێن سەركەفتیێن ئێكێ بوو،گرنگیدان و ڤیانا خەلكێ ژ حەموو جیهانێ و ب تایبەت هۆلەندا من ب دەست خۆڤە ئینا،زێدەباری پشتەڤانیەكا مەزن ژ راگەهاندنا هۆلەندی دەربارەی دۆزا ئێزدیان.
وەهاب حەسو،خەلكێ ناوچەدارییا سنوونێ یە ل قەزا شنگالێ و ئێكەمین شاهجوانێ ئێزدی و عێراقی یە پشكداریێ دڤێ بەریكانێ دا دكەت،كو گەهشت قۆناغێن هەری گرنگ.
بەریكانا(Men Universe Netherlands)یا شاهجوانیێ ل باژێرێ روتردام ل هۆلەندا هات ئەنجامدان و سالانە دئێتە كرن و ل پتری 40وەلاتان دئێتە سازدان و سەركەفتی هەڤركیێ ل سەر ب دەست ڤە ئینانا ناسناڤێ جیهانێ ل كۆمارا دومینیكان دكەن.
دەربارێ پشكداریا خۆ دبەریكانێ دا"وەهاب حەسو"بۆ مالپەرێ(ئێزدیخان نیوز)گۆت:"هەستێ من یێ ئەرێنی یە و دبینم كو ب رێزا ئێكێ سەركەفتم،ب سێ مەدالیێن گرنگ سەركەفتم و ئێك ژ دەهێن سەركەفتی بووم دبەریكانێ دا،گرنگیدان و ڤیانا خەلكێ ژ حەموو جیهانێ و ب تایبەت هۆلەندا من ب دەست خۆڤە ئینا،زێدەباری پشتەڤانیەكا مەزن ژ راگەهاندنا هۆلەندی دەربارەی دۆزا ئێزدیان".
زێدەتر گۆت:"داخوازا من هاتیە كرن بۆ كاركرنێ لگەل رێكخراوا ملك و شاهجوانا هۆلەندا و ل رۆژا ئێك شەمبوویا بێت دێ لگەل وان دا بم،ژبەر باشی و گرنگیا من ب مافێ مرۆڤی".
ئەو چەندە ژی دیاركر:"نۆكە هەول ددەم پشتەڤانیێ ژ عێراقێ ب دەست خۆڤە بینم بۆ پشكداریكرنێ دبەریكانا شاهجوانیا عێراقێ دا ل سالا بێت كو ل بەغدایێ دێ ئێتە ئەنجامدان".
هەروەسا ئاشكەراكر:"هەر دڤێ بەریكانێ دا من بەرەڤانی ژ مافێ ژنا ئێزدی یا زولملێكری كر و پشتەڤانیەكا راگەهاندنێ یا مەزن ب رێیا وێ رێكخراوێ ب دەست ڤە ئینا،دیسان هاریكاریێن مرۆڤایەتی بۆ رێكخراوا هۆلەندی(NL Helpt Yezidis) كۆمكرن ئەوا هاریكاریا ئاوارەیێن ئێزدی دكەت ل كەمپێن كوردستانێ".
تعليقات