پێتڤیێن ئاوارەیان دێ پێشكێشی ئەلمانیا كەت
تۆرا لالش یا راگەهاندنێ
بەرێز د."رومی"كورێ د."عەسكەرێ بویك"،ئیرۆ پێنج شەمبوویێ،سەرەدانا دەستەیا بلندا بنگەهێ لالش ل دهۆكێ كر و ژبال بەرێز"شێخ شامۆ"سەرۆكێ بنگەهی ڤە هاتە پێشوازیكرن.
دهەڤدیتنێ دا سەرۆكێ بنگەهێ لالش هیڤیا سلامەتیێ بۆ بابێ وی د."عەسكەرێ بویك" خواست و دووپاتكر كو بابێ وی ژ كەسایەتیێن دیارە دگۆرەپانا رەوشەنبیریا كوردی دا ب تایبەت دبیاڤێ ئێزدیاتیێ دا و بخێرهاتنا كورێ وی كر و پەسنا رۆلێ وی یێ نۆكە كر بۆ پێشكێشكرنا دەستێ هاریكارییا نۆژداری و ساخلەمیێ بۆ ئاوارەیان.
ژبال خۆڤە د."رومی"دووپاتكر كو ئەو دێ كاركت بۆ بەرچاڤكرنا رەوشا ئاوارەیان و گرنگترین پێتڤیێن وان ژ ئالیێ ساخلەمیێ ڤە و دێ وان پێتڤیان پێشكێشی ئەلمانیا كت پێخەمەت هاریكاریا وان ب تایبەت دكەمپێن ئاواران دا.
ل داویێ شێخی دووپاتكر كو بنگەهێ لالش دێ پشتەڤانیا وی كت لپێ شیانێن ل بەردەست هەین،چنكو خەلكێ مە یێ ئاوارە ل كەمپان دا پێتڤی چاڤدێری و گرنگیەكا زێدەتر یا ساخلەمیێ نە.
تعليقات