ئێزدیخان نیوز:
ڤەكۆلەرەكێ ئێزدی نامەكا ڤەكری ئاراستەی جڤاكێ نێڤ دەولەتی و رێكخراوێن نێڤ دەولەتی یێن مافێ مرۆڤی و حەموو جهێن شۆلەژێ دكەت و ئاشكەرا دكەت كو ل رێككەفتی 26نیسانا 2015ێ،دەولەتا ئیسلامی یا داعشێ 410زەلامێن ئێزدی گرتن و بۆ جهەكێ نەدیار برینە،ئەڤە دووسالە هێشتا چارەنڤیسێ وان دیار نینە.
ڤەكۆلەرێ ئێزدی"داود موراد خەتاری"دراگەهاندنەكێ دا دیاركر:" ل رێككەفتی 26نیسانا 2015ێ،دەولەتا ئیسلامی یا داعشێ 410زەلامێن ئێزدی گرتن،پشتی داخواز ژ وان كری كۆم ڤە بن ل مزگەفتا دەڤەرا الخچرا‌و ل قەزا تللەعفەرێ ل رۆژئاڤایێ مووسلێ،كو ب بارهەلگرێن مەزن برنە جهەكێ نە دیار، ئەڤە دووسالە هێشتا چارەنڤیسێ وان دیار نینە هەتا ئیرۆ رۆژ،بناڤێ مرۆڤایەتیێ گازیا خۆ دگەهیننە وە ئیدانە بكەن و بلڤن بۆ دیاركرنا راستیا مانا وان كو دساخن،ئەڤە 80%ژ ئەردێ پارێزگەها مووسلێ هاتیە رزگاركرن ژ داگیركرنا داعشێ و كەسەك ژ وان نەهاتیە دیتن".
خەتاری ئەو چەندە ژی ئاشكەراكریە كو ئەڤ زەلامێن ئێزدی ل شنگالێ ل رۆژا رەش ل 3/8/2014ێ هاتینە گرتن ژبال تیرۆرستێن داعشێ ڤە.
تعليقات