شێخ شامۆ:پرۆژێ پارێزگەهێن شنگال و دەشتا نەینەوا خالەكا دیرۆكی یە بۆ جڤاكێ ئێزدی
تۆرا لالش یا راگەهاندنێ
بەرێز"شێخ شامۆ"سەرۆكێ دەستەیا بلندا بنگەهێ لالش دووپاتكر كو پرۆژێ پارێزگەهێن شنگال و دەشتا نەینەوا خالەكا دیرۆكی یە بۆ جڤاكێ ئێزدی ل كوردستانێ،دیسان زۆرینەیا ئێزدیان ژئالیێ دیموگرافی ڤە ل هەردوو دەڤەرانە.
شێخ شامۆ،د دیدارا خۆ دا دگەل دكتۆرە"ئاریز یلماز"سەرۆكا بەشێ پەیوەندیێن نێڤ دەولەتی ل زانكۆیا ئەمریكی ل كوردستانێ رۆنكر كو ژ ئالیێ ئێمناهیێ ڤە شنگال یا درەوشەكا ب زەحمەت دا دەرباز دبت ژبەر رەفتارێن پارتا كرێكارێن كوردستانێ هەمبەری خەلكێ دەڤەرێ،دووپاتكر كو ئەڤ رەوشە ئەگەرێ دوورئێخستنا رێكخراوان و پرۆژان بوو ل وێدەرێ،ئاماژەكر ژی ل سەر هەموو پارت و رێكخراوان رێزێ ل ئیرادەیا خەلكێ شنگالێ بگرن،ژبەركو وان دەزگەه و فەرمانگەهێن هەلبژارتی یێن شەرعی هەنە،لەوا زێدەگاڤیكرن ل سەر وان دەزگەهان یانكو زێدەگاڤی ب سەر ئیرادەیا خەلكێ دەڤەرێ.
هەروەسا سەرۆكێ دەستەیا بلندا بنگەهێ لالش دیاركر:" كو وان چوو هیڤی ب ئیدارا بەغدایێ نەماینە،ژبەركو ئەو شنگالێ نابینن دئیدارا خۆ دا ژ لایێ پرۆژەیان و ئاڤەدانكرنێ ڤە،لێ شنگال و سنوون هاتن رزگاركرن بەری پرانیا دەڤەرێن مووسلێ و دەست ب ئاڤەدانكرنێ هاتە كرن ل وان دەڤەران و ئەڤە بەلگەیە كو شنگال یا پشتگۆهاڤێتیە ل ك حكومەتا بەغدایێ".
شێخ شامۆ دووپاتكرژی كو ئێزدی دێ پشتەڤانیا پرۆژێ ریفراندۆمێ بن ل دەڤەرێن كوردستانێ،دیسان ریفراندۆم چارەسەریا ئێكانەیا بۆ چارەكرنا ئاریشە و ئازارێن وان،چنكو دۆرێن 90%ژ ئێزدیا ژ ئالیێ ئیداری ڤە گرێدایی حكومەتا بەغدانە.
ل داوییا دیدارێ شێخی رۆناهی ئێخستە سەر داوی كۆمبوونا وان دگەل سكرتێرێ ئەمیندارێ گشتی یێ نەتەوەیێن ئێكگرتی ل هەولێرێ،ئەڤ كۆمبوون دەلیڤەكا گرنگ بوو،تشتێ باش بەری كۆمبوونا مە دگەل بەرێز سكرتێری وی كۆمبوون دگەل بەرێز بارزانی هەبوو،ل دەمێ پێشكێشكرنا داخوازیێن مە بۆ وی دووپاتكر كو بەرێز بارزانی دووپات ل ڤان داخوازییان كریە.
تعليقات