مزگينيه‌كا خۆش بۆ پەنابەرێن ئێزدی...نادیا موراد ئەڤ داخوازیە ژ ئەلمانیا كر
ئێزدیخان نیوز:
رزگاربوویا ئێزدی و بالیۆزا نیازپاقژیێ"نادیا موراد"،ئیرۆ 5نیسانا 2017ێ،ژ ئالیێ پەرلەمانێ ویلایەتا براندبیرك یا ئەلمانی ڤە هاتە پێشوازیكرن و پەیڤەكا گرنگ پێشكێشكر.
موراد ئسماعیل،چالاكڤانێ ئێزدی دراگەهاندنەكێ دا ئاشكەراكر:"دپەیڤا خۆ دا ل پەرلەمانێ ویلایەتا براندبیرك یا ئەلمانی"نادیا موراد" تەكەز ل سەر چەند خالان كر،ئەوژی سوپاسی ورێزگرتن بۆ ئەلمانیا بۆ ڤەحواندنا ئێزدیان پشتی كۆمكوژیێ و پێشكێشكرنا مافێ پەنابەریێ بۆ وان،هەروەسا بەردەوامیدان ئەلمانیا بۆ پێدانا مافێ پەنابەریێ بۆ ئێزدیان و ئەوێن دئێنە چەوساندن ل دەڤەرێن خۆ و دگەهنە ئەلمانیا ل ئارامیێ دگەرن،دیسان ئەلمانیا رۆلەكێ كاریگەر ببینت بۆ دامەزراندنا دەڤەرێن ئارام بۆ ئێزدی و مەسیحی و شەبەك و كاكائیین و كێمینەیێن دیتر،دانپێدانا فەرمی ژ پەرلەمانێ ئەلمانیا و پەرلەمانێ ویلایەتێ ب كۆمكوژییا ئێزدیان".
هەروەسا نادیا موراد خۆشحالیا خۆ دەربری ب پێنگاڤا پەرلەمانێ ویلایەتا براندبیرك یا ئەلمانی ل سەر پێشوازیكرنا 500رزگاربوویان و خێزانێن وان.
تعليقات