پێتڤیە ژنێن ئێزدی داخوازێ ژ جڤاكێ نێڤ دەولەتی بكەن درزگاركرن و ئازادكرنا ژنێن گرتی بێن
ئێزدیخان نیوز:
درۆژا جیهانی یا ژنان دا،داخواز دئێتە كرن ئاهەنگ و ستران و دیلان نەئێنە گێران،وەك رێزگرتنەك ژبۆ وان خووشك و دەیكێن بێ گونەهێن هێشتا د دەستێن داعش دا ماین،چالاكڤانەك ژی دبێژت:شەرمەزاری یە بۆ هەر رێكخراوەكا خۆ ب نوونەراتیا ژنان بزانت و ئاهەنگ و پیرۆزباهیا بگێرن".
رۆژا جیهانی یا ژنان ل سەرانسەری جیهانێ و ل هەرێما كوردستانێ هەر سال ب سازدانا چەندین چالاكیان دئێتە ساخكرن.
چالاكڤانا كچ"شێلان عەبدولمەناف"بۆ مالپەرێ(ئێزدیخان نیوز)خویاكر:" ب دیتنا من پێدڤی یە رۆژا جەژنا ژنان ب ئاهەنگ و ستران و دیلان نەئێتە گێران،وەك رێزگرتنەك ژبۆ وان خووشك و دەیكێن بێ گونەهێن هێشتا د دەستێن داعش دا ماین،شەرمەزاری یە بۆ هەر رێكخراوەكا خۆ ب نوونەراتیا ژنان بزانت و ئاهەنگ و پیرۆزباهیا بگێرن،ئەگەر 3500شەمالك بێنە هەلكرن و ژنێن ئێزدی خۆ ل گۆرەپانەكا گشتی رێز بكەن و لافیتەیان بلند بكەن و داخوازێ ژ جڤاكێ نێڤ دەولەتی بكەن درزگاركرن و ئازادكرنا ژنێن ئێزدی بێن".
تەكەزكر:"ژنا ئێزدی ئیرۆ دەنگێ وان ژنێن گرتینە و دكارت دەنگێن وان بگەهینتە جیهانێ،داخوازم ژ یەزدانێ هەموو كچ و ژنێن ئێزدی ب سلامەتی و بلەز ڤەگەرن بۆ مالباتێن خۆ".
تعليقات