دڤێت راوەستیانەكا هەڤگرتی بۆ پشتەڤانیا ژنا ئێزدی بێتە ئەنجامدان
ئێزدیخان نیوز:
چالاكڤانەكا كچا ئێزدی راگەهاند:"ئەم یێ دچەرخێ بیست و ئێكێ دا تنێ ژنا ئێزدی شەر دیت و هاتە ئێخسیركرن و دەستدرێژی لێ هاتە كرن و هاتە فرۆتن ل بازاران ژبال گرۆپێ تیرۆرستیێ داعشێ ڤە،دڤێت ئەم هەموو پێكڤە راوەستیانەكا هەڤگرتی ئەنجام بدەین و پشتەڤانیا ژنا ئێزدی بكەین كو ڤێ نەخۆشیێ دەرباز بكەت".
نەدا شنگالی،چالاكڤانەكا كچا ئێزدی یە بۆ مالپەرێ(ئێزدیخان نیوز)دبێژت:"دڤێ رۆژا نەمر دا ژ هەر سال جیهان ل بیر دئینت و ئاهەنگان دگێرت ب هەلكەفتا رۆژا جیهانی یا ژنێ،بۆ جارا ئێكێ دوی ماوەی دا جیهانێ گرژی دیتن و گەشەپێدانا ئاكنجییان و تێدا دیاربوو ئایدلوژیا رادیكال،لەوما ژن دنالی ژ چەوساندن و نەدانا مافێ وێ،بە داخەوە ئەم یێ دچەرخێ بیست و ئێكێ دا و یێ دژین دسەردەمێ وەكهەڤی و دادپەروەریێ دا تنێ ژنا ئێزدی شەر دیت و هاتە ئێخسیركرن و دەستدرێژی لێ هاتە كرن و هاتە فرۆتن ل بازاران ژبال گرۆپێ تیرۆرستیێ داعشێ،ل ڤێ رۆژێ دا جیهان یا رۆژا ژنێ دگێرت و ئەم وەك ئێزدی یێ گوه ل قیژیێن ژنێن خۆ دبین ل زیندانێن داعشێ دا و ئەو یێ گازیا خۆ دگەهینە شەریفان وان ژ زوولمێ رزگار بكەن".
چالاكڤانێ گۆتژی دڤێ رۆژێ دا دڤێت ئەم هەموو پێكڤە ب راوەستین و راوەستیانەكا هەڤگرتی بكەین و پشتەڤانیا ژنا ئێزدی بكەین كو ڤێ نەخۆشیێ دەرباز بكەت و هەموو قەیدێن چەوساندنێ بشكینت و ب ئازادانە بژیت".
تعليقات